Jesaea 37:29 - সান্তালী বাইবেল

²⁹ Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jesaea 37:29 Referans Kwoze

Jeheskel 38:4

Am do tayom secʼ iń ạcurmea ar amakʼ jambere bạ̃ṛsiń lagaoa ar amakʼ goṭa lạṛhại phạdko sãote, metakʼme sanam sadomko, mońj kicricʼ horokʼakatʼ aswariko ar lạṭu kạṭicʼ ḍhalko ar tarwaṛeko sudhạ mitʼ maraṅ okocʼ dol sãote amiń oḍok ạgumea.

Jesaea 37:34

Uni do okaṭakʼ horteye hecʼakan ona hortegeye ruạṛ calakʼa; niạ nagrahare do bae bolokʼa. Iń Probhu Isorge niạ katha doń meneda.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jeheskel 29:4

Menkhan iń do amakʼ jambere ạṅkusiń lagaoa ar amakʼ gaḍaren hakoko do amakʼ cuạ̃kʼreń laṭkao ocokoa. Ar amakʼ cuạ̃kʼre laṭkao akan sanam hakoko sudhạ am do gaḍa khoniń or rakapʼ ạgumea.

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Amos 4:2

Probhu Isor do acʼakʼ sonottetʼ reakʼ kiriạteye meneda, “Ona okte do khạṭige daraekana tinre ạṅkuskotepe bạkupʼ idi ocokʼa; ape sanamkoge ạṅkustepe or idi ocokʼa.

Jesaea 37:10

“Jihudạren raj Hiskiạ nonka metaepe, ‘okoe cetanrem bhorsakʼkan uni Isor doe meneda, Ạsurren rajakʼ tire Jerusalem do baṅ soprotokʼa. Uniyakʼ ona eṛe kathate am do alom bulạu ocokʼa.

Jesaea 36:10

Ona chaḍa iń do cetʼ Probhu Isor ṭhen khon begor hukum hataokate niạ jaega akromon lạgitʼ iń rakapʼ hecʼakana? Niạ disạm upạrte lạṛhạikate ona marao lạgitʼ Probhu Isor do acʼge ińe menakawạdińa.’ ”

Jesaea 36:4

Rabsake do onkoe metatʼkoa, “Hiskiạ do noa kathape metaea, maharaj, metakʼme Ạsurren raje meneda, ‘am do cetʼ cetanrem bhorsakʼ kana?

Sereńko 83:2

Ńelme, cetʼleka amren bạiri doko hạnḍrạukʼkana ar okoe amko hirkhạwam kan onko do bạḍạite bohokʼ rakapʼkateko teṅgo akana.

Sereńko 74:23

Amren bạirikoakʼ kạumạu, am upạrte jao okte hoyokʼkan, ona do alom hiṛińa.

Sereńko 74:4

Ar am sãote okarele helmelokʼ kan tahẽkan ona ṭhạ̃ire bạiriko doko hạnḍrạu baṛayeda, onḍe onko do akoakʼ cinhạko dohoakada.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Jobakʼ 41:2

Am do cetʼ mũm nakol daṛekea, se bạ̃ṛsite uniyakʼ jambem pạtitapʼ daṛeketaea?

Jesaea 37:7

Ańjompe, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa, ar iń do onḍege tarwaṛeteń makʼ gojea.’ ”

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.