Jesaea 37:22 - সান্তালী বাইবেল

²² Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Jesaea 37:22 Referans Kwoze

Jobakʼ 16:4

Ape hõ iń leka hoylentape khan enḍekhan iń hõ ape lekań galmarao daṛekea, ape upạrte ạḍi utạr kathakoń roṛkea ar ape ńelte bohokʼ iń rukukea.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jesaea 1:8

Sion hoponera do nonkae bạgi giḍi ocoakana uni do darkha bagwanren pahradar oṛakʼ lekae hoyakana, uni do phosol goḍaren ḍera oṛakʼ ar bạiriko hotete gherao ạcurakatʼ mitʼṭecʼ nagraha lekageye hoyakana.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Mathae 27:39

Ar ona horte parom calakʼkanko do bohokʼ ruku rukute Jisu siṛogadeteko metadea,

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Amos 5:2

“Kũạri kuṛi Israel doe gurena, ar tishõ bae beretʼ daṛeakʼa; uni do acʼakʼ ot reye giḍi ocoakana, ar uni berede lekan do celege bạnukʼkoa.”

Rak̕joṅ 1:15

Probhu Isorge ińren sanam birbão hoṛkoe nihạ̃t giḍi akatʼkoa; uni do ińren juạnko chaka chunko lạgitʼ iń upạrte mitʼṭecʼ okteye ṭhik dohoakada. Darkha lelen kunḍre kuạ̃ri kuṛi Jihudạ do jaṅgateye lebetʼ gasmanḍao akadea.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

Jesaea 23:12

Uni doe menkeda, “E Sidonren hoṛko, apeakʼ rạskạ do caba akantapea, ente ape dope santao ocokʼkana. Ma beretʼpe, ar Kuprus dipte parom calakʼpe; onḍehõ jirạu do bape ńama.”

2 Rapajko 19:21

Uni upạrte Probhu Isore meneda, ‘Kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuya.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”