Jesaea 37:17 - সান্তালী বাইবেল

¹⁷ E Probhu Isor, luturakʼ tińme baṛe; ar amakʼ mẽtʼ beṅgedtam, ńelme; Senakerib do jiwetʼ Isor henostawae lạgitʼ cetʼko kathae roṛ gotʼakada.

Jesaea 37:17 Referans Kwoze

2 Bõsbudạ 6:40

“E ińren Isor, niạ jaegare okako koejoṅ hoyokʼ ona secʼ jemon ńitokʼ amakʼ mẽtʼ ar lutur jhicʼge baṛe tahenma.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Sereńko 17:6

E Isor, amiń hohowamre ańjomtińme, ar onategeń hohoam kana; ińakʼ katha luturakʼtińme, ar ińakʼ koejoṅ ańjomtińme.

1 Patras 3:12

Okoe dhorom horteko calakʼkan Probhu Isorakʼ mẽtʼ do onkore menakʼa, ar onkoakʼ koejoṅ ańjom lạgitʼ uniyakʼ lutur do jhicʼge menakʼtaea; menkhan okoe bạṛicʼakʼko kạmikan, Probhu Isor do onko upạrteye teṅgona.

Sereńko 74:22

E Isor, am do ma beretʼdokʼte bicạr lạgitʼ amakʼ mambla hạjirme; alom hiṛińa bebuj hoṛko do goṭa din amko landa dhutʼam kana.

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Sereńko 71:2

Am dom dhoromgete bańcaoińme, ar rukhiyạyińme; ińakʼ katha luturakʼme ar iń rukhiyạyińme.

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Rapajko 19:16

E Probhu Isor, luturakʼ tińme; ar amakʼ mẽtʼ baṛe beṅgedtam, ńelme; jiwetʼ Isor henostawae lạgitʼ Senakerib do cetʼko kathae roṛetʼkana ona ańjomme.

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.

2 Bõsbudạ 7:15

Niạ jaegare okaṭakʼ koejoṅ hoyokʼ ona lạgitʼ ińakʼ mẽtʼ ar lutur do jhicʼge tahena.