Jesaea 37:12 - সান্তালী বাইবেল

¹² Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼ kan Edonren debotako do cetʼ onkoko rukhiyạ daṛeatʼko tahẽkana?

Jesaea 37:12 Referans Kwoze

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

2 Rapajko 18:11

Ar Asurren raj do Israelkoe bondiketʼkote Asur disạmteye idiketʼkoa ar Halare ar Habor gaḍa aṛe reakʼ Geson ṭoṭha ar Medekiạkoakʼ nagrahakoreye girobas ocoketʼkoa.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Amos 1:5

Iń do Damesek reakʼ huṛkạṛ koń rạputʼ giḍikakʼa; ar Awen reakʼ lodamre hoṛko ar Beth-Edenre okoeṭakʼ hoṛ do raj ṭheṅgae sapʼakatʼ uni doń marao giḍikaea. Ar Aramren hoṛ do bondikate Kirteko idi ocokʼa.”

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Jeheskel 27:23

Haran, Kanne, Edon ar Sebaren bepariko ar Ạsur ar Kilmad hõ am sãoteko bạnijetʼ tahẽkana.

Jesaea 36:20

Niạko disạmren sanam debotako hõ cetʼ ińakʼ ti khon apnarakʼ disạmko rukhiyạ daṛeakawada? Enḍekhan Probhu Isor do cetʼ ińakʼ ti khon Jerusaleme rukhiyại daṛeakʼa?’ ”

Genesis 29:4

Jakob do gupikoe kuliketʼkoa, “E boehako, ape do okaren hoṛ kanape?” Onkoko menkeda, “Haran nagraharen hoṛ kanale.”

Genesis 28:10

Jakob do Ber-seba bạgikate Haran nagraha secʼe mohnḍayena.

Genesis 12:14

Abraham do tinre Misorteye seṭerena unre Misorrenko doko ńelkeda, Sạri do sạriyakʼge ạḍiye cehragea.

Genesis 2:8

Probhu Isor do purub secʼ Edenre mitʼṭen bagwane benaoleda, ar onḍege acʼren bekʼnaoicʼ manwa doe dohokedea.

Jesaea 37:13

Hamatren raj, Arpadren raj, Sepharwayim nagraharen raj ar Hena ar Ibahren raj doko okayena?”

Genesis 11:32

Terah do barsae mõṛẽ bochor umer tahẽkanre Haran nagraharegeye gocʼena.

Jesaea 36:18

Hiskiạ do aloe ạnḍicʼpe ma oneye metape, Probhu Isorgeye rukhiyạbona. Jạt jạtkoren jãhãe debotage cetʼ Ạsur rajakʼ ti khon acʼakʼ disạme rukhiyạ daṛeakada?

Jesaea 36:19

Hamat ar Arphadren debotako doko okayena? Ar Sepharwayimren debotako hõko okaeyen? Onko do cetʼ ińakʼ ti khon Samariạko rukhiyạ daṛe akawada?