Jesaea 36:20 - সান্তালী বাইবেল

²⁰ Niạko disạmren sanam debotako hõ cetʼ ińakʼ ti khon apnarakʼ disạmko rukhiyạ daṛeakawada? Enḍekhan Probhu Isor do cetʼ ińakʼ ti khon Jerusaleme rukhiyại daṛeakʼa?’ ”

Jesaea 36:20 Referans Kwoze

2 Bõsbudạ 32:19

Onko do manwa titeko benaokʼ dhạrtiren sanam jạtkoren debotako reaṅ okako roṛketʼ onkage Jerusalemren Isor reaṅ hõko roṛkeda.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Sereńko 73:9

Onko do serma upạrte kathako roṛa. Ar goṭa dhạrtire onkoakʼ katha do ḍamḍahekʼkana.

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

2 Bõsbudạ 32:15

Ńitokʼ Hiskiạ do nonka alo baṛeye eṛepe are bulạupe ma. Uni do alope pạtiạuaea, ente jãhãe jạtren se jãhã rajosṭiren debota iń se ińren hapṛamkoakʼ ti khon acʼren hoṛko bae bańcao daṛeakatʼkoa. Enḍekhan tinạkʼ khạṭigea je, aperen debotako do ińakʼ ti khon bako bańcao daṛeapea mente.’ ”

1 Rapajko 20:23

Aram rajren gutiko hõ niạ sopolha rajko emadea, “Onkoren debotako do bururen debota kanako, onate onko do abo khon hõko daṛegea. Menkhan onko sãote bilạn ṭạnḍire bon lạṛhại enḍekhan khạṭige onko do bon bhagao daṛeakoa.

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Jesaea 36:15

Hiskiạ do nonka menkate Probhu Isorre aloe bhorsa ocope ma enkathae, ‘Probhu Isor do khạṭige apeye bańcaopea; ar niạ nagraha do Ạsurren rajakʼ tire bae jimạyea.”

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”