Jesaea 36:16 - সান্তালী বাইবেল

¹⁶ “Hiskiạwakʼ katha do alope ańjoma. Ạsurren raje meneda, ‘iń tulucʼ sulukokʼpe ar iń ṭhen oḍok hijukʼpe. Enḍekhan ape do apan ạpin darkha bagwan reakʼ jo ar apan ạpin loa dare reakʼ jope joma ar apnarakʼ kuń khon dakʼpe ńũiya.

Jesaea 36:16 Referans Kwoze

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

1 Rapajko 4:25

Solomonakʼ jionre Jihudạ ar Israel, metakʼme, Dan khon Berseba hạbicʼ sanamkoge apan ạpin darkha nạ̃ṛĩ ar loa dareko tahẽkana ar onko do khạtirjomako girobasokʼ kan tahẽkana.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

2 Korinthiko 9:5

Onate noko boehako lahare ape ṭhen calakʼ lạgitʼ nehõrako reakʼ jạruṛiń hudiskeda, jemon okaṭakʼ maraṅ dan emokʼ lạgitʼpe gokʼletʼ tahẽkan ona reakʼ onko do laharegeko sapṛao hataṛkakʼ. Ar ape ṭhen khon jormoṭte jãhãnakʼ do baṅ hataokʼa, bickom dan lekate okape emokʼ onage laha khon sapṛao dohokakʼpe.

Kạhtukko 5:15

Amakʼ kuń reakʼ dakʼ khonge am do ńũime; ar amakʼ ḍạḍi dakʼ reakʼ dakʼge ńũime.

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

2 Rapajko 5:15

Unre Naman ar uni sãoten sanam hoṛ do Isorren hoṛ ṭhenko ruạṛ calaoena. Naman do uni samaṅre teṅgokateye menkeda, “Ńitokʼ doń baḍae daṛeakʼkana, Israelren Isor chaḍa dhạrtire ar cele Isorge bạnukʼkoa. Am do ńitokʼ amren guti ṭhen khon niạ sandes baṛe ataṅme.”

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

1 Samuel 25:27

Amren kạ̃ṛmĩ acʼren mạlik lạgitʼ oka sandese ạguakatʼ ona do jemon uni soṅgeten hoṛko emocokʼ.

1 Samuel 11:3

Niạ katha ańjomkate Jabesren murubbiko do Nahasko metadea, “Eae din somoe emalem. Ar inạ talare Israel disạm reakʼ sanam jaegare hoṛkolkate khoborle kola. Ar jãhãe ale rukhiyạle lạgitʼ bae hijukʼ enḍekhan ale do am taberele tahena.”

Genesis 33:11

Isor do ạḍiye daya akawạdińa, ar ińakʼ do ḍherge menakʼtińạ. Ona iạte okaṭakʼ daniń ạguakatʼ ona do dayakate hataome.” Jakob nonkae nehõren khan Esau do onkoe ataṅketʼkoa.

Genesis 32:20

Ar mucạtʼrepe mena, ‘amren guti Jakob do ale tayomrege menaea.’ ” Jakob do mone monte noae hudiskeda, “Iń laha lahate okaṭakʼ dan calakʼkan onatege uni doń hape ocoyea. Ona tayom tinre uni tulucʼ iń ńapama hoedaṛeakʼa unre uni doe ataṅińa.”

Kạhtukko 27:18

Loa dareye jotonetʼkan hoṛ do ona reakʼ jogeye joma; ar okoe acʼren kisạ̃ṛe sapʼsoraekan uni doe manot ocokʼa.

Jesaea 36:17

Ona tayom iń do hecʼkate apeakʼ disạm leka ar mitʼ disạmteń idipea. Ona disạm do anaj ar nãwã darkha rasa reakʼ disạm, piṭhạ ar darkha bagwan reakʼ disạmtege.