Jesaea 36:1 - সান্তালী বাইবেল

¹ Hiskiạ raje rajokʼ gelponakʼ bochorre Ạsurren raj Senakerib do Jihudạ reakʼ pạcrite esetʼ sanam nagrahakoe akromonketʼte onakoe dokholana.

Jesaea 36:1 Referans Kwoze

2 Bõsbudạ 32:1

Hiskiạ do pạtiạr salakʼ jotowakʼe sạtketʼ tayom Asurren raj Senakerib do hecʼkate Jihudạ cetanre jhãpe emkeda. Uni do pạcrite esetʼ ato ar nagrahakoe gheraokeda, are hudiskeda onako doe jitạujoṅa.

2 Rapajko 18:13

Hiskiạ raje rajokʼ gelponakʼ bochorre Asurren raj Senakerib do Jihudạ reakʼ pạcrite esetʼ sanam nagrahakoe akromonketʼte onakoe hatkeda.

2 Rapajko 18:17

Asurren raj do Lakis khon Tartan, Rabsari ar Rabsaki noko pene hoṛ do maraṅ utạr lạṛhại phạdkoante Jerusalemren raj Hiskiạ ṭhene kolkatʼkoa. Onko do Jerusalemte senkate dhubi ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhenko teṅgoyena.

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

2 Bõsbudạ 12:4

Uni do Jihudạ reakʼ pạcrite esetʼ nagrahakoe ạidạriante Jerusalem hạbicʼe hecʼena.

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.