Jesaea 35:9 - সান্তালী বাইবেল

⁹ Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Jesaea 35:9 Referans Kwoze

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Hosea 2:18

Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Sereńko 107:2

Probhu Isorren chaḍao akan hoṛko do noa kathako roṛma, ente uni do upạrtenkoakʼ ti khon onkoe chaḍao ạguakatʼkoa;

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Jesaea 1:27

Isor do acʼakʼ hokʼ reakʼ bicạrte Sione chaḍaoa, ar okoe kại khon monko ạcur onko do acʼakʼ dhoromteye chaḍaokoa.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jeheskel 34:27

Ona do ṭạnḍi reakʼ darekore joye sapʼ ocoya ar ot do phosole emokʼa; ar onko do apan ạpin jumireko girobasokʼa. Ar onkoakʼ arãṛ tinreń rạputʼ giḍikakʼa ar okoe do golamko benaoletʼko onkoakʼ ti khoniń chaḍao ạgukoa, ar unreko baḍae daṛeakʼa, ińkangeạń Probhu Isor do.