Jesaea 35:7 - সান্তালী বাইবেল

⁷ Rohoṛ ṭhon ṭhon jumi do pukriko hoyokʼa, ar tetaṅokʼkan ot do dakʼ reakʼ jharnakoge; ar toyoko tahenkan jaega do dalahe, chuci ar pạṭiolge janamokʼa.

Jesaea 35:7 Referans Kwoze

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Johan 7:38

Ińre pạtiạukʼkạnicʼ do sonot sostor reakʼ katha leka uniyakʼ ontor khon jiwetʼ dakʼ reakʼ gaḍa ạtu oḍokokʼa.”

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Luk 13:29

Unre purub, pạchim, utạr ar dạkhin khon hoṛko hijukʼte Isorakʼ rajre jojomko duṛupʼa.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Jesaea 29:17

Ar thoṛa din khange cetʼ Lebanon do jo bahakʼkan bagwan leka baṅ hoyokʼa? Ar jo bahakʼkan bagwan do bir gajaṛ tulni baṅ lekhakʼa?

Jesaea 19:6

Soḍokʼko do seakʼa; Misor reakʼ nalako do ạdhikʼa ar ańjedokʼa; pạṭiol ar chuchi do goso cabakʼa;

Sereńko 107:35

Hahaṅkar do jolae hoyocoyeda ar khaṅgoṭ jaegako do jharnae hoyocoyeda.

Jesaea 30:25

Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Jesaea 41:18

Iń do poṭor buru cetante gaḍa dakʼ iń ạtu ocoya, ar buru-nalare do dakʼ reakʼ jharnakoge. Iń do hahaṅkarre pukhriń benaoa, ar rohoṛ otre do bhumbuk iń hoeocoya.

Jesaea 43:20

Bir janwar, toyo ar ũṭ cẽṛẽko do ińko sarhaoińa, ente ińren hoṛko, ińren bachao akan hoṛkoakʼ jomakʼ lạgitʼ hahaṅkarre dakʼiń jogao akoa ar khaṅkarre do gaḍań hoeocoya.

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Jeheskel 47:8

Uni do ińe metadińa, “Noa dakʼ do purub secʼ ạtu calakʼ kana ar Araba talate doreãore senkate dulokʼ kana. Ar tinre ona do doreãore ńurokʼkana unre onḍenakʼ dakʼ do heṛemokʼ kana.

Bikʼcạrko 6:38

Ar onkage hoyena; dosar hilokʼ Gideon do ạḍi setakʼre jạpitʼ khon beretʼkate ona bhiḍi upʼe hotʼkeda ar sisir dakʼ oḍokena. Ar onate mitʼ bạṭi dakʼ hoyena.