4 Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”
Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.
Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.
Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”
Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;
Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.
Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.
Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”
Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.
Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”
Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:
Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.
E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.
Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.
Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”
Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.
Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.
Jonathane menkeda, “Aloben botorokʼa; ạlińren baba Sạulakʼ tire do baben sapʼ ocokʼa. Aben do Israel disạmren rajben hoyokʼa, ar ạliń do abenren dosaricʼge. Ạlińren baba hõ niạ katha doe baḍaegea.”