Jesaea 34:17 - সান্তালী বাইবেল

¹⁷ Uni do gulibãṭkate ar jokha baberte soṅkate ona jaegae hạṭińakoa. Ar ona do jaejug onkoakʼge tahena; ar piṛhike piṛhi onko do onḍeko girobasokʼa.

Jesaea 34:17 Referans Kwoze

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Jirimiạ 13:25

Noage amakʼ kuṛại do; noage am lạgitʼ iń soṅ dohoakada, ente am dom hiṛiń akadińạ ar debotakom pańja akatʼkoa.

Jesaea 17:14

Ar ạyupʼ jokhecʼ doko torasokʼa ar ạuri setagokʼrege onko doko caba utạrokʼa. Abo luluṭkoakʼ do noage menakʼa, ar noage onkoakʼ bakhra do.

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Josuạ 18:8

Ar hoṛko do disạm reaṅ jotowakʼ olkate ạgui lạgitʼko oḍok calakʼkan tahẽkanre Josuạ do onkoe metatʼkoa, “Senkate disạm do mońjte jotowakʼ ńelpe ar olkate iń ṭhen ạguiype. Ar ona tayom do nonḍe Silorege, Probhu Isor samaṅre ape lạgitʼ iń gulibãṭa.”

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 34:11

Pajhaṛ ar jhĩk do onako dokhola, Dundu ar kạhũko do onḍeko ḍerakʼa. Probhu Isor do ạlmạl reakʼ jokha babere tija ar onaren napṛakʼko upạrte gulmal reakʼ sạhul babere pheḍa.

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.