Jesaea 33:6 - সান্তালী বাইবেল

⁶ Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jesaea 33:6 Referans Kwoze

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Kạhtukko 19:23

Probhu Isor botorae do jion secʼe idiya; okoeyakʼ ona jion menakʼ uni do tirpite tahena, jãhãn muhinge uni ṭhen do baṅ hecʼ daṛeakʼa.

1Timothi 6:6

Menkhan kusi monte Mạsiyakʼ dhorom biswạs lekate colonle khan do maraṅ labjoṅakʼ kangea.

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

Kạhtukko 14:27

Dhorom do jion reakʼ jharna kana; moron reakʼ jhạliko khon paskaokʼ lạgitʼ.

Sereńko 28:8

Probhu Isorge, acʼren hoṛkoakʼ daṛe; unige acʼren ojokʼ akatʼkoren rukhiyạyicʼ gaṛ do.

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Sosolhayic̕ 7:12

Ṭaka poesa lekage ạkil doe rukhiyạgea, tobe ạkil reakʼ sorostetʼ do hoyokʼkana ạkil do ạkilan hoṛakʼ jiwiye rukhiyạitaea.

Kạhtukko 28:2

Disạmren hoṛkoakʼ ghạṭ iạte onaren aema cạlạuakoko hoyokʼa, menkhan ạkilan ar budan cạlạuako hotetege disạm reakʼ kajaktetʼ do tahena.

Kạhtukko 15:16

Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.

Sereńko 140:7

E Probhu Isor, ińakʼ bańcao reakʼ daṛe, lạṛhạire amge ińakʼ bohokʼ aḍtińme.

Sereńko 45:4

Sạriyakʼ, mạ̃hir ar dhorom secʼ amakʼ ṭhonokte jitạuicʼ leka mohnḍakʼme; ar amakʼ jojom ti do botoranakʼkoe kạmima.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 33:20

Aboakʼ sanam porob reakʼ nagraha Sion secʼ beṅgedme. Amakʼ mẽtʼkin do Jerusaleme ńela, nirạite tahen jaega ar baṅ ocogokʼ tạmbuge. Ona reakʼ khunṭiko do tishõ baṅ or todokʼa ar ona reakʼ baber hõ baṅ topagokʼa.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 51:14

Bondi akanko do usạrageko aṛakʼ ocokʼa. Onko do kạd oṛakʼ reakʼ khạndṛuṅre bako gujukʼa, ar jomakʼte hõ bako ṭonṭakʼa.

Jobakʼ 4:6

Isor jem botorae kan ona reakʼ bhorsa do cetʼ bam ńameda? Amem bin dusạnge onare cetʼ as do bạnukʼtama?

Kạhtukko 2:5

enḍekhan Probhu Isor botorae do cetʼkana mente, onam bujhạu daṛeakʼa ar Isorakʼ ạkilem ńama;

Kạhtukko 14:24

Ạkilankoakʼ kuṛại do onkoakʼ dhonge, menkhan khaṭo budankoakʼ lelhatetʼ do arhõ lelhatetʼe janam ocoya.

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Habakkuk 2:14

Jalapuri cetʼleka dakʼte perecʼ tahen onkage dhạrti hõ Probhu Isorakʼ ṭhonok reakʼ ạkilte perecʼge tahena.