Jesaea 33:24 - সান্তালী বাইবেল

²⁴ Sionre girobasokʼ hoṛko do okoehõ bako mena, “Iń doń ruạkʼ kana.” Ar onḍe okoeko girobasokʼ onkoakʼ kại do ikạkʼtakoa.

Jesaea 33:24 Referans Kwoze

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jakob 5:14

Uni doe sarhao sereń ma. Jãhãe ruạreye paṛao akana? Uni do manḍerren mukhiyạkoe hoho jarwakoma. Onko do Probhu Isor ńutumte uniyakʼ bohokʼre sunumko ojokʼaete uniko koeyae ma.

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Dosar Biboron 7:15

Probhu Isor do sanam lekan rog bighin khone rukhiyạpea. Misorre oka botoranakʼ rog bighinkope ńelakatʼ onako ape cetanre bae paṛao ocoya, menkhan okoe apeko kurudape onko cetanre uni do noakoe paṛao ocoya.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Johan sodor 22:2

Ona gaḍa reakʼ dene banar aṛere do jion dare tahẽkana. Onare do gelbar lekan jo jokʼkan tahẽkana. Ar jao candoge onare do jokʼa ar ona reakʼ sakamte sanam jạtren hoṛko bogekʼkan tahẽkana. Sarap do ar baṅ tahena.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

2 Bõsbudạ 30:20

Ar Probhu Isor do Hiskiạwakʼ koejoṅ ańjomte hoṛkoe ikạ katʼkoa.

Dosar Biboron 28:27

Probhu Isor do Misor disạm reakʼ ojo, ganḍ, dạd ar khasrakoteye ńẽtʼpea ar onako khon celege bako boge daṛeapea.

Jesaea 1:5

Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.