Jesaea 33:23 - সান্তালী বাইবেল

²³ Amakʼ ṭakʼnao baberko do ḍhil akantama; onare badam khunṭi do kajakte baṅ aṭkao akana, ar badam hõ baṅ pasnao akana. Unre ạḍi utạr jinisko hạṭińokʼa; ar leḍhako hõ luṭakʼ jinisko idi joṅa.

Jesaea 33:23 Referans Kwoze

2 Rapajko 7:8

Onko murhucʼ jom rugiko do ḍera ṭhen seṭerkate mitʼṭecʼ tạmbu bhitriteko boloyena. Onko do jom ńukate sona, rupạ, ar kicricʼko idiketʼte onakoko oko dohokada. Ona tayom ruạṛ hecʼkate ar mitʼṭecʼ tạmbuteko boloyena ar ona reakʼ jiniskoko idikeda arko oko dohokada.

1 Korinthiko 1:27

menkhan dhạrti do okaṭakʼ lelhawakʼe metakʼkan, onage Isor doe bachaoana, jemon akelankoe lajao ocoko. Ar dhạrti okaṭakʼ nijorakʼe metakʼkan, onage Isor doe bachaoana jemon daṛeankoe lajao ocoko;

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

Aposkạmi 27:19

Tesar hilokʼ hõ onko do akoakʼ tite jahaj reakʼ jisinkoko giḍikada.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 33:4

Pohoko cetʼleka anajko nosṭo cabae, onkage E jarkharicʼ, apeakʼ jinisko hõ luṭokʼtapea. Pohoko cetʼ leka onareko don khadlekʼ onkage hoṛko hõko don khadlekʼa.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

2 Bõsbudạ 20:25

Unre Jehosaphat ar uniren hoṛko do luṭ reakʼ jinisko ạguy lạgitʼko senen khan onako mạ̃ṛĩ sãote nunạkʼ jinisko, kicricʼko ar dhon duribko ńamkeda, onko do bako idi caba daṛeada. Luṭ reakʼ jinisko nunạkʼ tahẽkana ona luluṭ cabaete pe din lagaoatʼkoa.

2 Rapajko 7:16

Unre hoṛko doko oḍok hecʼente Aramrenkoakʼ ḍerako luṭkeda. Onate Probhu Isorakʼ katha lekage turui keji holoṅ do gelbar gram rupạte ar gelbar keji jao do gelbar gram rupạte ạkhrińena.

1 Samuel 30:10

Ente barsae gan hoṛ do laṅga iạte ona nala do bako parom daṛeada. Menkhan Dạud do ponsae hoṛkoante bạirikoe khudạu idiketʼkoa.

Jesaea 35:6

Unre leḍhako do jel hopon lekako don baṛaea, guṅgạ hoṛkoakʼ alaṅ do rạskạteye andoṛa, hahaṅkarre do dakʼ bhumbukokʼa. Ar khaṅkar jaegakore do gaḍa dakʼ ạtukʼa.

Jeheskel 38:13

“ ‘Unre Seba, Dedan ar Tạrsis ar uniyakʼ sanam atokoren bạnij bekʼparko do amko kulimea, am do luṭ paṭ lạgitʼem hecʼakana se sona rupạ, janwarko ar jinisko idiy lạgitʼ ar ḍher jinisko recʼ idiy lạgitʼ amren dol bolkom jarwa akatʼkoa?’

Sereńko 68:13

Bhiḍi chaṛko talare tinre giticʼ akanpe tahena, unre ape do nonkan potamko lekape ńelokʼa one onkoakʼ phạ̃kṛạ̃kʼ do rupạte esetʼge ar il do sonate dalopʼ akan.