Jesaea 33:22 - সান্তালী বাইবেল

²² Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 33:22 Referans Kwoze

Jakob 4:12

Eken mitʼ hoṛge menaea okoe do ạn-ạrikoe emokʼkan are bicạrkan. Unigeye rukhiyạ daṛeakʼa are marao daṛeakʼa. Am dom okoekante am aḍepaseren hoṛakʼ doskom ńam baṛayeda?

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sereńko 74:12

Enrehõ E Isor, ạd khonge am do ińren raj kanam; amge noa dhạrtire babańcao reakʼem kạmikana.

Sereńko 44:4

E Isor, ińren raj do amge; Jakobakʼ jitạukʼ reakʼ do amgem bebosta akada.

Nehemiạ 10:14

Disạm hoṛkoren mukhiyạko mod khon okoeko chapletʼ tahẽkan onkoakʼ ńutum do hoyokʼkana Paros, Pahat-Moab, Elam, Satu, Bani,

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jesaea 33:17

Amakʼ mẽtʼ do raje ńelea uniyakʼ mońj rupre, manḍerte phaelao akan disạmgeye ạribạndhiya.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 51:4

“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

1 Samuel 12:12

“Menkhan Amonkoren Nahas raj do tinre ape upạrte lạṛhại lạgitʼ hijukʼkanpe ńelkedea unre Probhu Isor do aperen raje tahẽkanre hõ ińpe metadińạ, ‘ale cetanre mitʼṭen raje hoyokʼma.’

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 41:21

Probhu Isor, metakʼme Jakobren raje meneda, “Apeakʼ mambla samaṅtape, ar sạbudko ạguiytape.

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.