Jesaea 33:20 - সান্তালী বাইবেল

²⁰ Aboakʼ sanam porob reakʼ nagraha Sion secʼ beṅgedme. Amakʼ mẽtʼkin do Jerusaleme ńela, nirạite tahen jaega ar baṅ ocogokʼ tạmbuge. Ona reakʼ khunṭiko do tishõ baṅ or todokʼa ar ona reakʼ baber hõ baṅ topagokʼa.

Jesaea 33:20 Referans Kwoze

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Jesaea 54:2

Amakʼ tạmbu reakʼ jaega do arhõ baṛhaome; amakʼ tạmbu reakʼ orwal do arhõ osartam, alom cipạya. Amakʼ tạmbu reakʼ baberko alom khaṭoea ar khunṭiko hõ kajaktam,

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Jesaea 37:33

“Ona iạte Probhu Isor do Ạsurren raj reaṅ niạ kathae meneda, ‘Uni do niạ nagrahate bae bolokʼa se nonḍe do mitʼṭecʼ sar hõ bae aṛaga. Ar ḍhalante niạ samaṅte hõ bae hijukʼa se gherao esetʼkate dejokʼ ar pheḍokʼ lạgitʼ jãhãnakʼge bae benaojoṅa.

Sereńko 128:5

Sion khon Probhu Isor do bhore danam ma; amakʼ jionre Jerusalem reakʼ bhạlại jemonem ńel ńam.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jeheskel 48:8

“Jihudạ simạna dạkhinre purub khon pạchim hạbicʼ oka jaega tahen ona do bises kạmi lạgitʼpe begar dohokakʼ. Ona do osarte hoyokʼa bargel mõṛẽ hajar ḍaṅ ar jeleń do eṭakʼ gusṭirenkoakʼ hĩs leka disạm reakʼ purub simạna khon pạchim simạna hạbicʼ; ar ona jaega talare do mundil oṛakʼ tahena.

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.