Jesaea 33:2 - সান্তালী বাইবেল

² E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 33:2 Referans Kwoze

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sereńko 60:11

E Isor, bạiriko upạrte am do goṛowaleme, ente manwakoakʼ goṛo lạgitʼ ona do jãhãn damge bạnukʼa.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Sereńko 62:1

Ińakʼ jiwi do eken Isorakʼ ńel horrege menaea, ente uni kangeae ińren rurukhạyicʼ do.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Exodus 14:27

Unre Mose do acʼakʼ ti jalapuri secʼe tiạrkeda. Ar setakʼ jokhecʼ jalapuri reakʼ dakʼ do arhõ mitʼ ruạṛena. Misriko do unreko ńir baṛakeda, menkhan Probhu Isor do jalapuri reakʼ ḍheoteye ḍombol idiketʼkoa.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Rak̕joṅ 3:23

Din hilokʼ setakʼ jokhecʼ ona do nãwã arokʼkana; uniyakʼ pạtiạr do maraṅgetaea.

Jirimiạ 14:8

E Israelren asicʼ, kosṭokʼ okteren rurukhiyạicʼ, disạm talare cedakʼ bin opromicʼ leka do menama, ar cedakʼ mitʼ ńindạ tahen kạnicʼ horten hoṛ lekam hoyakana?

Jesaea 40:10

Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jesaea 26:8

Hẽ, Probhu Isor, ale do amakʼ dhorom hortele taṛametʼkante am koyokʼ horre menakʼlea; aleakʼ khojokʼakʼ do amakʼ kạmi hotete sodorokʼme baṛe.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Sereńko 90:15

Tinạkʼ din khon aleakʼ bạḍại rạpud lạgitʼem kạmikana, ar tinạkʼ bochor dukrele tahẽkan, unạkʼ din am do sukre dohokaleme.

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Sereńko 37:39

Isor botoraeko reakʼ bańcaokʼ do Probhu Isor khonge hijukʼa; muhinre unige onkoren bhorsa doe hoyokʼa.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 143:8

Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 37:3

Onko do Jesaeako metadea, “Hiskiạ do nonkae meneda, teheńakʼ din do gạr, ar nisṛạu ar opoman reakʼ din kana. Ale do gidrạkole janamko leka dosa hoyakantalea menkhan onko janamko reakʼ daṛege bạnukʼtalea.

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Sereńko 33:22

E Probhu Isor, alere amakʼ dulạṛ baṛe tahenma, ente ale do amregele as akana.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.