Jesaea 33:17 - সান্তালী বাইবেল

¹⁷ Amakʼ mẽtʼ do raje ńelea uniyakʼ mońj rupre, manḍerte phaelao akan disạmgeye ạribạndhiya.

Jesaea 33:17 Referans Kwoze

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

2 Korinthiko 4:18

Oka ńelokʼkan ona secʼ do bale beṅgetʼeda, bickom oka baṅ ńelokʼkan ona secʼgele beṅgetʼeda. Ar oka ńelokʼkan ona do eken thoṛa din lạgitʼkana, menkhan oka baṅ ńelogokʼkan ona do jaejug hạbicʼ reakʼ kana.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Jesaea 37:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaete gõṛẽ kicricʼe horokʼkeda ar Probhu Isorakʼ oṛakʼteye boloyena.

Jesaea 26:15

E Probhu Isor, am do onko jạtrenkom baḍhao akatʼkoa; ar onko jạtrenkom baḍhao akatʼkote sarhaoem ńamakada; am do disạm reakʼ sanam simạkom phaelao akada.

Soros sereń 5:10

Ińren dulạṛiạ doe eselgea, uniyakʼ hoṛmo reakʼ roṅ do arakʼgetaea; gel hajarko mod khon hõe sorosgea.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jobakʼ 19:27

Iń apnarge uniń ńelea; eṭakʼko do baṅa, menkhan iń nij mẽtʼte uniń ńelea. Ińakʼ ontor do iń bhitrire latwagokʼkana.