Jesaea 33:15 - সান্তালী বাইবেল

¹⁵ Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jesaea 33:15 Referans Kwoze

Sereńko 119:37

Eṛeakʼ jinis secʼ khon ińakʼ mẽtʼ do ạcur ruạṛtiń me; ar amakʼ horte calakʼ lạgitʼ nãwã daṛe baṛe danạńme.

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Malaki 2:6

Onkoakʼ mocare sạriyakʼ reakʼ cecetʼakʼge tahẽkana ar onare jãhãn eṛeteakʼ do baṅ tahẽkana. Sạriyakʼ ar dhoromte onko do iń sãoteko dãṛãnkan tahẽkana ar ḍherkoge kại khonko ruạṛ ạguiyetʼko tahẽkana.

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Numeri 16:15

Niạ katha ańjomkate Mose do ạḍiye edreyena ar Probhu Isore metadea, “Onkoakʼ samaṅokʼakʼ do alom ataṅtakoa. Onko ṭhen khon iń do mitʼṭen gadha hõ bạń hatao akadea ar onkoakʼ cetʼ hõ bạń loksan akatʼtakoa.”

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jeheskel 22:13

“ ‘Am okaṭakʼ behokakʼem lab akatʼ ar am talare okaṭakʼ mãyãmem joro ocoakatʼ ona lạgitʼ khạṭige iń do ti thayowateń hạ̃nmea.

Jobakʼ 31:7

Bạricʼ horteń taṛam akatʼ khan, ar ińakʼ mẽtʼ do ontore kại ocoakatʼtiń khan, se ińakʼ tire kại reakʼ jãhãn dag lạṭkao akan khan,

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Kạhtukko 1:10

E gidrạtiń, kạkại hoṛ bạṛicʼ horteko idilem khan alogem rebenokʼa.

Kạhtukko 1:15

E bạbu, onko tulucʼ do alom calakʼa, ar onko khon do sahaṛ akae tahenme;