Jesaea 33:14 - সান্তালী বাইবেল

¹⁴ Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 33:14 Referans Kwoze

Ibriko 12:29

Ente aboren Isor do ḍahao maraoakʼ seṅgel lekanae.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mathae 18:8

“Amakʼ ti se jaṅga kại horteye idime khan ona do samakʼ giḍikakʼme. Banar ti ar banar jaṅga tahen tulucʼ jaejug seṅgelrem khadle ocokʼ khon ṭhunṭạ se leḍhage jionrem bolokʼge am lạgitʼ bogea.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

Mathae 24:51

Ar unre uni doe makʼ paṛagea ar phạsiạrako tulucʼ bakhrae niṭaea. Onḍe do rakʼjoṅ ar togocʼ ḍaṭa hoyokʼa.

Mathae 22:12

ar bapla bhoj kicricʼ baṅ horokʼ akatʼ mitʼ hoṛe ńel ńamkedea. Raj do uniye kulikedea, ‘henda ho, bapla bhoj kicricʼ begorte cekate nonḍe dom boloyena?’ Khange uni doe keklesetʼena ar cetʼge bae roṛ ruạṛ daṛeada.

Jesaea 34:9

Edom reakʼ ạtukʼ dakʼ do alkatra leka hoyokʼa, ona reakʼ dhuṛiko do gondhok leka, onate disạm reakʼ ot do jolokʼkan alkatra lekage hoyokʼa.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Sereńko 21:9

Amem sodorokʼre onko do culhạ reakʼ jolokʼkan koela lekam hoyocokoa. Probhu Isor do edreteye utʼgotʼkakoa, ar uniyakʼ seṅgelte onko doe atar giḍikoa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Dosar Biboron 4:24

ente aperen Probhu Isor doe jojom seṅgel kana; ar acʼakʼ paona bhokti lạgitʼ do ãṭokʼicʼ Isorge.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 47:14

Onko do bhusạ lekan kanako; cetʼ leka seṅgel do onkoe ḍahaoko. Onko do seṅgel lepʼ khon apnarte bako rukhiyạ daṛeakʼa. Niạ seṅgel lepʼ do aṅgra seṅgel do baṅ kana one duṛupʼkateko jorokʼ daṛeakʼ se marsalko ńam daṛeakʼ.

Amos 9:10

Ińren sanam kại hoṛko modre okoeko men, ‘muhin do bae tiyokʼlea se ale ṭhen baṅ hijukʼa,’ onko sanamge tarwaṛeteko gujukʼa.”

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.