Jesaea 33:13 - সান্তালী বাইবেল

¹³ Okoe sạṅgińre menakʼpe, ape do iń okań ceka akatʼ ona ańjompe; ar okoe sorre menakʼpe ape do ińakʼ daṛe aṅgocpe.

Jesaea 33:13 Referans Kwoze

Sereńko 48:10

E Isor, amakʼ reaṅ cetʼleka sanam manwako baḍaekan onkage amakʼ sarhao do dhạrti reakʼ mucạtʼ hạbicʼ menakʼa; amakʼ jojom ti do dhorom kạmi reakʼ daṛete perecʼgea.

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Daniel 3:27

Unre disạm cakʼlaoko ar ạkʼyurko, bibhagren cakʼlaoko ar eṭakʼ sanam usul hudạren kạmiyạko do onko ṭhen hecʼkateko bhiṛkeda. Onko doko ńelkeda seṅgel do onkoakʼ hoṛmo reakʼ jãhãnakʼ cetʼge bae hạ̃n akatʼtakoa, onkoakʼ bohokʼ reakʼ mitʼṭecʼ upʼ hõ baṅ lo akantakoa, kicricʼ hõ baṅ nosṭo akana ar onkoakʼ hoṛmore seṅgel reakʼ so hõ bạnukʼa.

Jesaea 57:19

Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

Sereńko 97:8

E Probhu Isor, amakʼ dhorom bicạr reakʼ katha ańjomte Sion doe rạskạkʼ kana, ar Jihudạ reakʼ nagrahako hõ kusikʼkana.

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

Exodus 15:14

Ona katha ańjomkate eṭakʼ jạtrenko do botorteko thar tharaokʼa, ar Philisṭiko do monreko dhak dhakaokʼa.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.