Jesaea 32:14 - সান্তালী বাইবেল

^14-15 Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 32:14 Referans Kwoze

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 24:12

Nagraha do dhaṅdhaser ḍạṅ leka hoyokʼa ar phaṭok duạrko do kuṭạm lạnduṛ ocokʼa.

Jesaea 24:10

Nagrahako do dhaṅdhaser akan tahena. Sanam oṛakʼ duạr do huṛkạṛokʼa; ar bhitrite do bako bolo daṛeakʼa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Luk 21:20

“Tinre Jerusalem do palṭonko hotete esetʼ ạcurakatʼpe ńela unre bujhạupe, Jerusalem dhaṅ dhaserokʼ din do sorakana mente.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Sereńko 104:11

Ona do jiwiyanko lạgitʼ dakʼe jogaoeda; onate birren gadhakoakʼ tetaṅ maraokʼ kana.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Jesaea 22:2

E gulmalte perecʼ nagraha, E kạumạu ar andoṛetʼkan nagraha, amren gocʼ hoṛko ma tarwaṛete se lạṛhạite ma bacoko gocʼ akan.

Jirimiạ 6:5

Onate ma beretʼpe, dela, ńindạge abo do jhãpbo ema ar uniyakʼ gaṛko bon mohor meṭaotaea.’ ”

Jirimiạ 14:6

Bir gadha do ceḍe buru cetanre teṅgokate toyo lekako ahka ạhkikʼkana; ghãs begorte onkoakʼ mẽtʼ do dhundokʼ kantakoa.”

Jirimiạ 33:4

Babelrenko sãote lạṛhại jokhecʼ pạcri sãote benao akatʼ pinḍhạ ar tarwaṛe khon rukhiyạkʼ lạgitʼ noa nagraha reakʼ okako oṛakʼ-duạr ar Jihudạ reakʼ raj dolanko rạputʼ hoylen onako do onko hoṛkoakʼ mạ̃ṛĩkote perejokʼa one okoe do ińakʼ edre ar raṅgao iạteń gocʼko. Onkoakʼ sanam dusṭami iạte niạ nagraha secʼ khon ińakʼ mẽtʼãhãń doń betʼakatʼtińạ. Ar iń Israelren Probhu Isorge noa katha doń meneda.

Jirimiạ 52:27

Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

2 Bõsbudạ 33:14

Tayomte uni do Dạud nagraha bahre reakʼ pạcri do buru lodam reakʼ Gihon dakʼ jharna khon Ophel buru beṛhae pạchim secʼ hako phaṭok duạrte bolokʼ hor hạbicʼ arhõ usul pạcriye benaoketʼte onae kajak ruạṛkeda. Uni do Jihudạ reakʼ pạcrite esetʼ sanam ato ar nagrahakore subedarkoe bahalketʼkoa.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.