Jesaea 31:8 - সান্তালী বাইবেল

⁸ Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 31:8 Referans Kwoze

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Genesis 49:15

Uni doe ńela jirạukʼ jaega do bhagegea ar disạm hõ jutgea, onate uni do bojha gog lạgitʼ taren hõe koceytaea ar golam leka khaṭaoakʼ hõe bataoa.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Jesaea 37:7

Ańjompe, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa, ar iń do onḍege tarwaṛeteń makʼ gojea.’ ”

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 21:15

Onko do tarwaṛe samaṅ khon, bocʼ akatʼ tarwaṛe samaṅ khon, ṭuniạu akatʼ akʼ sar khon ar botoranakʼ lạṛhại khonko dạṛ hecʼakana.

Jesaea 27:7

Probhu Isor do Israelren sasantaoko cetʼlekae hạn akatʼko Israel do onka bae hạn akadea; okoe uniko khũn akade onko leka hõ uni do bae khũn akadea.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jeheskel 21:28

“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.

Jesaea 10:25

Ape cetanre ińakʼ edre do usạratege cabakʼa, ar ona do Ạsurrenkoe maraokoa.”

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.