Jesaea 31:6 - সান্তালী বাইবেল

⁶ E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 31:6 Referans Kwoze

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Jirimiạ 5:23

Menkhan noko hoṛkoakʼ ontor do keṭecʼgetakoa ar onko do huhul jạtren kanako. Onko do bạṛicʼ horteko ghańjeṛ akana.

Jesaea 48:8

Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

Jobakʼ 22:23

Sanam daṛeanicʼ ṭhenem ruạṛ hecʼlen khan, tobe do lahate lekam pheraokʼa. Amakʼ tạmbu khon bạṛicʼakʼkom sạṅgiń giḍile khan,

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Jeheskel 18:32

Okoeyakʼ gujukʼtehõ iń do bạń kusikʼ kana. Ape do mon ạcurkate bańcaokʼpe. Iń Probhu Isorge noa katha doń meneda.”

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.