Jesaea 31:5 - সান্তালী বাইবেল

⁵ Manḍraokʼkan cẽṛẽ leka, phạdkoren Probhu Isor do Jerusaleme aḍ bańcaoa. Uni do onae aḍa are rukhiyạya, onae tạnkhiya are bańcaoa.

Jesaea 31:5 Referans Kwoze

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Dosar Biboron 32:11

Pajhaṛ cẽṛẽ acʼakʼ tukại ebhenetʼtae hoponko cetanre phạ̃kṛạ̃kʼe phad phadaoetʼtaea, ar cetʼleka onko cetanre uni do lap lapae uḍạukʼkan, ar cetʼleka onko rakapʼko lạgitʼ acʼakʼ phạ̃kṛạ̃kʼe lap lapakakʼkan, ar cetʼleka acʼakʼ phạ̃kṛạ̃kʼte onkoe gugu idiyetʼko.

Jesaea 38:6

Ạsurren rajakʼ ti khon am ar niạ nagrahań rukhiyạya ar iń do noa nagrahań aḍa.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Jesaea 10:14

Jãhãege cetʼleka tukại tiyog onkage iń hõ jạtrenkoakʼ dhon durib iń hatao akatʼtakoa. Ar hoṛko cetʼ leka beleko halaṅ jarwae onkage iń do dhạrti reakʼ sanam disạmiń hạr samṭao akada. Phạ̃kṛạ̃kʼ do okoehõ bako phada phuduyeda ar okoehõ bako cahapʼeda ar bako cero beroyeda.’ ”

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Exodus 12:27

Unrepe lạiyakoa, ‘noa do hoyokʼ kana Probhu Isor ńutumte bańcaokʼ porob reakʼ dãṛẽ, ente Misor disạmre tahen jokhecʼ uni do Israelkoakʼ oṛakʼko bad oṭokateye parom senlena. Uni do misrikoe gocʼketʼkoa menkhan ale doe rukhiyạketʼlea.’ ” Inạ tayom Israelko do ombakʼkate Probhu Isorko sewawadea.

Genesis 1:2

Unre dhạrti do nonkan muṭhạn bae ńamakatʼ tahẽkana, onare jiwiyanakʼ mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.

2 Rapajko 19:34

Iń do ińren ar ińren guti Dạud lạgitʼ niạ nagrahań esetʼ ạcura ariń rukhiyạya.’ ”

2 Bõsbudạ 32:22

Nonkate Probhu Isor do Ạsurren raj Senakerib ar eṭakʼ sanamkoakʼ ti khon Hiskiạ raj ar Jerusalemren hoṛkoe rukhiyạketʼkoa. Uni do jotowakʼ secʼ khon nirạiteye dohoketʼkoa.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Sakariạ 9:8

Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.