Biblia Todo Logo
Bib sou entènèt

- Piblisite -




Jesaea 31:3 - সান্তালী বাইবেল

3 Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.

Gade chapit la Kopi




Jesaea 31:3
25 Referans Kwoze  

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.


Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.


Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.


Misor reakʼ goṛo do ạuṛiyakʼgea, jãhãn kạmi reakʼge baṅkana; ona iạte iń do onko jạtrenkoakʼ ńutumiń dohoakada Rahab, metakʼme duṛupʼ hape akanicʼ.


Rukhiyạ ńam lạgitʼ sadom cetan reakʼ hirlạ hõ ạuṛiyakʼgea; maraṅ daṛe tahẽlen khan hõ sadom do bae rukhiyạ daṛeaea.


E Probhu Isor, onkoakʼ ontorre botor rakapʼ ocoy takome; ar eṭakʼ jạtrenko baḍaema, onko hõ eken manwa kangeako mente. (Sela)


Ar ona hõ bam daṛeakʼ khan ińren kisạ̃ṛren huḍiń utạricʼ subedar do cekatem tạkicʼ daram daṛekea, ente am do Misor reakʼ rãt gạḍi ar aswariko cetanrem bhorsakʼ kana?


Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’


menkhan enhõ onko mimitʼko doko lajao ocokʼa, ente onko jạtrenko do jãhãnakʼ porhoge bako hoyokʼtakoa. Onko do cetʼ goṛo ar porho hõ bako ńama; eken lajao arko bemanot ocokʼa.”


Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”


Manwako cetanre bhorsa baṅkate Probhu Isorre bhorsakʼ do bhagea.


Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?


Enhilokʼ doreão aṛe aṛete tahenkan hoṛ doko mena, ‘ńelpe, nõkʼõe nonkayenako onko do one okoe cetanre goṛo ńam lạgitʼ bon bhorsakʼkan tahẽkan ar Ạsur rajakʼ ti khon rukhiyạ ńam lạgitʼ okoe ṭhen bon senokʼkan tahẽkan. Enḍekhan cekate abo do bon paskao daṛekokʼa?’ ”


Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.


Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.


“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.


Dhinkiạ hõ ohoko teṅgo ṭarhao daṛelea, ar coṭkarko dạṛ daṛeakʼ hoṛ hõ bako dạṛ daṛeakʼa; hẽ, aswariko hõ akoakʼ jiwi do ohoko rukhiyạ daṛelea.


Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.


onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.


Swiv nou:

Piblisite


Piblisite