Jesaea 31:2 - সান্তালী বাইবেল

² Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 31:2 Referans Kwoze

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Romiko lạgitʼ Pạul Apostolakʼ ciṭhi 16:27

Eken uni eskargeae Isor do, ar unige akelanicʼ do. Jisu Mạsi hotete jaejug hạbicʼ uniyakʼge ṭhonok hoyokʼtaema. Amen.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jeheskel 29:6

Onate okoe Misorreko girobasokʼ kan onko sanamgeko baḍae daṛeakʼa ińkangeạń Probhu Isor do. “Am do Israelko lạgitʼ chuci ṭheṅgagem tahẽkana.

Jirimiạ 36:32

Unre Jirimiạ do ar mitʼṭecʼ guṛhạ dohoakatʼ puthi hataokate Neriạren hopon Baruke emadea; ar okaṭakʼ puthi do Jihudạren raj Jehoyakim seṅgelteye jeretʼ giḍiletʼ ar onare okako ol tahẽkan onako kathage Jirimiạwakʼ moca khon ańjomkate Baruk do arhõe olkeda. Ar ona lekan arhõ aema kathako hõ ona sãote juṭucʼ idiyena.

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jesaea 32:6

ente bebujicʼ do bebuj kathageye roṛa ar uniyakʼ mon do dusṭạmiyakʼe ponthaya. Uni do hirkhạwakʼkoe kạmiya ar Probhu Isor reaṅ henosta kathakoe roṛa. Uni doe nonkaea jemon reṅgecʼ edekanicʼ hoṛ do jomakʼ aloe ńam ar tetaṅ edekanicʼ hõ dakʼ aloe ńam.

Jesaea 31:3

Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.

Jesaea 30:3

Menkhan Pharaoakʼ asray doe lajao ocoyetʼkoa ar Misor reakʼ umul doe bemanotkoa.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.

Josuạ 23:15

Menkhan aperen Probhu Isorakʼ emakʼ bondobos bape manao, ar senkate debotakope sewawako arpe ḍobokʼako, enḍekhan aperen Probhu Isor do okaṭakʼ bhạlạiype reakʼe gokʼ akatʼ ar cetʼleka onako reakʼ purạu akan onkage Probhu Isor do baṅ bhạlạiype reakʼ oka botore udukʼ akatʼpe ona joto do apereye paṛao ocoya ar okaṭakʼ mońj disạme emakawatʼpe sesre ona khone marao giḍikapea. Ar Probhu Isorakʼ edre do ape upạrte jolokʼtege tahena, ar okaṭakʼ mońj disạme emakawatʼpe ona khon ạḍi usạragepe marao utạrokʼa.”

Numeri 10:35

Goha sinduk tinre mohnḍakʼkan tahẽkana unre Moseye menetʼ tahẽkana, “E Probhu Isor de beretʼme. Amren bạiri doko chirchạtur cabakʼma ar okoe amko kurudamkan onko do am samaṅ khonko ńir pharakokʼ ma.”

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Jesaea 28:29

Niạko ạkil do phạdkoren Probhu ṭhen khonge hijukʼa. Uniyakʼ sopolha do hahaṛagea ar uniyakʼ ạkil do sorosgea.

Jobakʼ 12:13

“Menkhan akel ar daṛe do Isor ṭhenge menakʼa; sopolha ar buj hõ uni ṭhenge.

Jobakʼ 12:16

Daṛe ar akel do uniyakʼ kangea; ekʼṛeyicʼ ar eṛe ocokʼicʼ bana hoṛge uni latarren kanakin.

Jesaea 21:17

Kedarren dhinkiạko modre thoṛa hoṛge jiwetʼko tahena. Israelren Probhu Isor do niạ kathageye meneda.”

Jesaea 30:7

Misor reakʼ goṛo do ạuṛiyakʼgea, jãhãn kạmi reakʼge baṅkana; ona iạte iń do onko jạtrenkoakʼ ńutumiń dohoakada Rahab, metakʼme duṛupʼ hape akanicʼ.