Jesaea 31:1 - সান্তালী বাইবেল

¹ Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 31:1 Referans Kwoze

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 36:9

Ar ona hõ bam daṛeakʼ khan ińren kisạ̃ṛren huḍiń utạricʼ subedar do cekatem tạkicʼ daram daṛekea, ente am do Misor reakʼ rãt gạḍi ar aswariko cetanrem bhorsakʼ kana?

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

Jesaea 36:6

Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jesaea 22:11

Mare pukhri reakʼ dakʼ dohoy lạgitʼte ape do banar pạcrikin talare mitʼṭecʼ dakʼ dohoy lạgitʼ pukhripe benaokeda. Menkhan okoe onae hoyocoletʼ uni secʼ do bape beṅgetʼleda, ar ḍher din lahare okoe niạko reakʼe goṭaletʼ uni hõ bape botoradea.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Jesaea 2:7

Disạm do sona ar rupạte perecʼgea, onkoakʼ dhon durib do asambheṛgea. Onkoakʼ disạm do sadomkote perecʼgea ar rãt gạḍi hõ alekha menakʼtakoa.

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jesaea 20:5

Ar okoe Kus disạm cetanreko bhorsakʼkan tahẽkan ar Misor iạteko gorbokʼkan tahẽkan onko do botor arko lajao ocokʼa.

Jesaea 43:15

Iń kangeạń Probhu Isor do, aperen uni sonoticʼ; ińge Israelren sisirjạuicʼ ar aperen raj do.”

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’

Jeheskel 29:16

Israelko do tishõ Misor cetanre ar bako ṭehãḍokʼa. Onko do Misor reakʼ dosa ńelteko bujhạu daṛeakʼa je, goṛo ńam lạgitʼ Misor secʼko ruạṛlenteko kạileda. Ar onateko baḍae daṛeakʼa, Probhu Isor doń ińkangea.’ ”

Hosea 11:9

Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Genesis 47:17

Unre onko do akoren sanam ḍaṅgra-bhiḍiko Joseph ṭhen ạguko ehopʼena. Ar uni do meromko, bhiḍiko, ḍaṅgrako, sadomko ar gadhako bodolte anaj emakoe ehopʼena. Ar sanam mĩhũ-meromko jimại dohoketʼkote goṭa bochorge jomakʼe ematʼkoa.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.