Jesaea 30:8 - সান্তালী বাইবেল

⁸ Am do ńitokʼ mitʼṭecʼ dhiri paṭare ar mitʼṭecʼ puthire ol dohoyme, jemon darakan dinkore ona do Israelko lạgitʼ mitʼṭecʼ jaejug reakʼ goha leka tahen.

Jesaea 30:8 Referans Kwoze

Habakkuk 2:2

Unre Probhu Isor do roṛ ruạṛạdińteye metadińạ, “Noa dorson reakʼ katha olme ar dhiri paṭa cetanre pusṭạute rokʼ caṛhaome jemon ona paṛhaoetʼkanicʼ doe algateye paṛhao daṛeakʼ.

Jesaea 8:1

Probhu Isor do ińe metadińạ, “Am do mitʼṭecʼ maraṅ okocʼ cạkti dhirire disạmren hoṛkoakʼ tite olakʼ leka niạ katha olme, Maher-Salal-Has-Bas (Mane do ‘Usạra luṭ reakʼ, ạḍi usạrage recʼ reakʼ’).

Dosar Biboron 31:22

Ar Mose do enhilokʼ ona sereń olkate Israelkoe cetʼatʼkoa.

Jirimiạ 51:60

Babel cetanre okako muhin hijukʼ, metakʼme Babel reaṅ okako katha ol hoylen Jirimiạ do ona mitʼṭecʼ guṛhạ puthireye ol doholeda.

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Dosar Biboron 31:19

“Ńitokʼ ape do noa sereń ol dohokakʼpe. Noa do Israelkope cetʼakoa ar onkope sereń ocokoa, jemon onko upạrte mitʼṭecʼ goha leka hoyokʼ.

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Dosar Biboron 4:30

Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.

Jihudạwakʼ ciṭhi 1:18

Onko do noa kathako lạiyape kan tahẽkana, “Okoeko siṛog baṛayetʼ tahẽkan onko do mucạtʼ oktereko hijukʼa ar Isor bebhokti ar bạṛicʼ sanako senakʼa.”

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

1Timothi 4:1

Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneyakʼa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jirimiạ 48:47

Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

Jesaea 34:16

Ape do Probhu Isorakʼ puthire ḍunḍhạupe ar paṛhaokate ńelpe. Onḍe ol menakʼa, noko do mitʼṭen hõ bako adokʼa; ar cele hõ bin juri do bae tahena; ente ińakʼ mocate Probhu Isor doe hukum akada, ar uniren Jiu doe mitʼ ṭhene jarwakoa.

Jirimiạ 30:2

“Iń Israelren Probhu Isorgeń meneda, am okako kathań galmarao akatʼme ona joto do mitʼṭecʼ puthire ol dohoyme,

Jirimiạ 36:4

Unre Jirimiạ do Neriạren hopon Baruke hohoadea ar Probhu Isor okaṭakʼ katha roroṛe metade tahẽkan uniyakʼ moca khon ańjomkate Baruk do guṛhạwakʼ puthire onako jotowakʼe olkeda.