Jesaea 30:6 - সান্তালী বাইবেল

⁶ Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jesaea 30:6 Referans Kwoze

Dosar Biboron 8:15

Uni do maraṅ ar botoranakʼ hahaṅkar secʼte, seṅgel biń ar kidiń kaṭkomko talate ar khaṅgoṭ jaega secʼteye taṛam ạgu ocoketʼpea. Uni do dhiri khon ape lạgitʼ dakʼe oḍok ocokeda.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

1 Rapajko 10:2

Uni do ḍher hoṛko ar ũṭkoante Jerusalemte hecʼkateye seṭerena. Unre ũṭ cetanre ḍher sona, jut so mosolako, ar damanakʼ mạnik dhiriko tahẽkana. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Mathae 12:42

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ dhạrti reakʼ mitʼ mucạtʼ khon uni doe hecʼlena. Ar ńelpe, nonḍe do Solomon khon hõ maraṅicʼge menaea.

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Jesaea 19:4

Iń do mitʼṭen kurmutạha mạlikakʼ tire Misorrenkoń jimạkoa; mitʼṭen botoranicʼ raj do onko cetanre raje calaoa.” Ar noa kangea phạdkoren Probhu Isorakʼ katha do.

Jesaea 15:7

Ona iạte onkoakʼ arjawakʼ dhon do sũṛũkucʼ soḍokʼ hanasa hạbicʼko gokʼ idiyeda.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

2 Bõsbudạ 16:2

Unre Asa do Probhu Isorakʼ oṛakʼre ar apnarakʼ raj khajańci oṛakʼ khon sona ar rupạkoe oḍokketʼte Aram disạmren raj Benhadad ṭhene kolkeda. Unre Benhadad do Damesek nagrahareye girobasokʼ kan tahẽkana. Ar Asa do uni ṭhen kathae roṛgotʼkada,

2 Bõsbudạ 9:1

Seba disạmren rạni do Solomonakʼ namḍak ańjomkate kuṭhin kuṭhin kuklikote uni biḍạue lạgitʼ Jerusalemteye hecʼena. Uni do ḍher hoṛko ar ũṭkoante Solomon ṭhene seṭerena. Ar ạḍi utạr jut so mosolako, sona ar moni muktako hõe ạgu darakeda. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Genesis 12:9

Tayomte onḍe khon uṭhạukate Negeb reakʼ dạkhin hahaṅkar secʼe calaoena.

Numeri 21:8

Ar Probhu Isor do Moseye galmaraoadea, “Am do mitʼṭen bińem tearea ar mitʼṭecʼ ḍaṅrem akakaea. Ar biń ṭhene ger ocoakan hoṛ do uni bińe beṅgetʼae khangeye jiwedokʼa.”

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Jesaea 14:29

E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Jesaea 35:9

Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Jeheskel 20:46

“E manwa hopon, amakʼ mẽtʼãhã do dạkhin secʼ samaṅtam ar ona disạm upạrte katha roṛme ar onḍenakʼ bir upạrte nạbi katha roṛme.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”