Jesaea 30:32 - সান্তালী বাইবেল

³² Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.

Jesaea 30:32 Referans Kwoze

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 19:16

Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Ibriko 12:26

Unre Isorakʼ moca kathatege dhạrti do dal dalaolena, menkhan ńitokʼ uni do noae gokʼakada, “Iń do eken armitʼ dhao dhạrtiń dal dalao ocoya ona do baṅ, menkhan serma hõń dal dalaoa.”

Jeheskel 32:10

Iń do am cetanre okań cekae ona ńelte ḍher jạtrenko doko tharbasaokʼa. Ar onko samaṅre tinre ińakʼ tarwaṛeń ạcurtińạ unre onkoren rapajko do botorteko thar tharaokʼa. Amakʼ ńurokʼ dinre onkoren mimitʼko do akoakʼ jiwi botorte jao okteko thar tharaokʼa.

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 24:8

Toblako reakʼ saḍe ar andoṛetʼko reakʼ sabad ar peṛesaṅ reakʼ rạskạ do caba utạrokʼa.

Jobakʼ 16:12

Sulukteń tahẽkana menkhan uni doe chaka chun akadińạ; hoṭokʼre sapʼkate uni doe tawakʼ gejerkedińa. Uni do bejha leka tuń joseń lạgitʼe dohoakadińạ.

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

Genesis 31:27

Oko okote dạṛkate cedakʼ ben eṛe mojaketʼ lińạ? Ạliń ben metaliń khan ạliń do rạskạte, sereńate, kortal ru ar taranakʼ banamate aben liń bidạkebena.

1 Samuel 18:6

Dạud do uni Philisṭi Goliạte gocʼkede tayom tinre hoṛko oṛakʼteko ruạṛ hijukʼkan tahẽkana unre Israelkoakʼ sanam nagrahako khon maejiuko do enecʼate, tabla ru rute ar peṛesaṅ banam banamate Sạul darame lạgitʼko oḍok hecʼena.

Jesaea 10:24

Ona iạte phạdkoren Probhu Isore meneda, “E ińren hoṛko, okoe do Sionrepe tahenkan, ape do Ạsurren hoṛko Misor disạmrenko leka ṭheṅgateko dalpe ar ape upạrte mutạkko tulrehõ alope botorakoa.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.