Jesaea 30:30 - সান্তালী বাইবেল

³⁰ Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 30:30 Referans Kwoze

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Mathae 24:7

Mitʼ jạtrenko do eṭakʼ jạtrenko upạrte ar mitʼ rajosṭi do eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa.

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Jesaea 32:19

Arelte bir do chaka chunokʼa ar nagraha do otre mitʼ são utạrokʼa.

Johan sodor 1:15

Ar uniyakʼ jaṅga do seṅgelre jhalkao akatʼ pitạl leka jhak jhak, ar aṛaṅ do aema dakʼko ạtukʼ reakʼ saḍe leka tahẽkana.

Luk 1:51

Uni do ti tiạrkate maraṅ daṛeakʼkoe kạmi akada; ar okoeyakʼ mon hiskạte perecʼge onko doe chir chạturakatʼkoa.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Sereńko 98:1

Probhu Isor ńutumte nãwãnakʼ sereńpe, ente uni do aema hahaṛawakʼkoe kạmi akada; uniyakʼ daṛe, hẽ, uniyakʼ sonot maraṅ daṛete uni doe bańcao akada.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 2:5

Uni do edreteye dhomkaokoa, ar acʼakʼ jaljalaokʼkan raṅgaoteye alatʼolotʼ cabakoa.

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

1 Samuel 7:10

Samuel do tinre jeredokʼ samaṅokʼakʼe samaṅetʼ tahẽkana ona jokhecʼ Philisṭiko do Israelko sãote lạṛhại lạgitʼko oḍok hecʼena. Menkhan enhilokʼ Probhu Isor do Philisṭiko upạrteye huḍurkeda. Ar ona iạte onko do botorteko ạulạu cabayena ar Israelko ṭhenko bhagao ocoyena.

Exodus 9:23

Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Jobakʼ 38:22

“Am do cetʼ him reakʼ murạirem bolo akana se arel reakʼ murạikom ńel akada?

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 30:31

Probhu Isorakʼ aṛaṅte Ạsur doe keklesedokʼa; ar acʼakʼ ṭheṅgate uni do Ạsurrenkoe hạnkoa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jirimiạ 25:32

Phạdkoren Probhu Isore meneda, “Ńelme, mitʼ jạtrenko khon ar mitʼ jạtrenko cetanre muhin do pasnao akana; dhạrti reakʼ ses simạnako khon mitʼṭecʼ birbão hoe do rakapʼakana.”

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Joel 2:5

Rãt gạḍi reakʼ sabad leka, lanḍha jolokʼkan seṅgel reakʼ saḍe leka onko do buru cetanteko don hijukʼa. Onko do lạṛhại lạgitʼ sajao akan mitʼ dol daṛean lạṛhại phạdko lekage.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Exodus 9:24

Eken arel ńurokʼ do baṅ, ona são sãote bijli hõ malkaokʼkan tahẽkana. Misor raj reakʼ etohopʼ khon ńit hạbicʼ goṭa disạmre nonka do ar tishõ baṅ hoyakan tahẽkana.

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

Jobakʼ 38:23

Onako do gạr jokhecʼ lạgitʼ iń jogao dohoakada, ona do khanḍa khạnḍi ar lạṛhại reakʼ din lạgitʼ iń jogao dohoakada.

Jesaea 4:6

Noa do setoṅ khon umul ńam reakʼ mitʼṭecʼ chạuni ar hoe ar dakʼ khon rukhiyạ ńam lạgitʼ mitʼṭecʼ asray ṭhạ̃ige hoyokʼa.

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.