Jesaea 30:28 - সান্তালী বাইবেল

²⁸ Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 30:28 Referans Kwoze

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

2 Rapajko 19:28

Am do iń upạrtem edre akana ar amakʼ bạḍại reakʼ katha do ińakʼ luturre hecʼakana onate iń do mureń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Luk 22:31

E Simon, E Simon, ńelpe, Soetan do guhum leka calape lạgitʼe khojakada.

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Kạhtukko 26:3

Sadom lạgitʼ cetʼleka cạbuk, ar gadha lạgitʼ do jhin, onkage pãeṛã do bebujkoakʼ dea lạgitʼkana.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Sereńko 18:15

E Probhu Isor, amakʼ dhomkaote ar mũ reakʼ sãhetʼte, ot latarre do dakʼ ńelena, ar dhạrti reakʼ rehetʼko hõ oṭakʼena.

Jobakʼ 39:17

ente Isor do ạkil bae em akawadea se bujhạu daṛe hõ bae em akawadea.

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 17:14

Ar ạyupʼ jokhecʼ doko torasokʼa ar ạuri setagokʼrege onko doko caba utạrokʼa. Abo luluṭkoakʼ do noage menakʼa, ar noage onkoakʼ bakhra do.