Jesaea 30:27 - সান্তালী বাইবেল

²⁷ Ńelpe, Probhu Isor do jolokʼkan edre ar dạriạ dhũạ reakʼ rimilte sạṅgiń khone hijukʼkana; uniyakʼ mẽtʼãhã do edrete perecʼ ar uniyakʼ alaṅ do jojom seṅgel leka.

Jesaea 30:27 Referans Kwoze

Ibriko 12:29

Ente aboren Isor do ḍahao maraoakʼ seṅgel lekanae.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 34:9

Edom reakʼ ạtukʼ dakʼ do alkatra leka hoyokʼa, ona reakʼ dhuṛiko do gondhok leka, onate disạm reakʼ ot do jolokʼkan alkatra lekage hoyokʼa.

Jesaea 33:12

Hoṛko do rapakʼakʼ cun dhiri lekako hoyokʼa ar getʼ giticʼakʼ jạnumko lekage onako do seṅgelreko atar giḍi ocokʼa.”

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Dosar Biboron 4:24

ente aperen Probhu Isor doe jojom seṅgel kana; ar acʼakʼ paona bhokti lạgitʼ do ãṭokʼicʼ Isorge.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.