Jesaea 30:25 - সান্তালী বাইবেল

²⁵ Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Jesaea 30:25 Referans Kwoze

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

2 Korinthiko 10:4

Jel ar mãyãm reakʼ gobolre tahẽkate okako khanḍa bhanḍate manwako lạṛhạikan onate ale do bale lạṛhại kana, menkhan Isorakʼ daṛete aboakʼ khanḍa bhanḍa ar kajak gaṛko hõ dhaṅ dhaserokʼa.

Johan 7:38

Ińre pạtiạukʼkạnicʼ do sonot sostor reakʼ katha leka uniyakʼ ontor khon jiwetʼ dakʼ reakʼ gaḍa ạtu oḍokokʼa.”

Nạhum 3:12

Amakʼ sanam gaṛko do bele jote perecʼ loa dare leka; jãhãege onae rukui uniyakʼ mocarege ona do ńurokʼa.

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Jeheskel 34:13

Iń do jạt jạtrenko ar disạmko tala khoniń oḍok ạgukoa ar akoakʼ disạmreń jarwakoa. Ar Israel reakʼ buru-boṭkocʼ cetanre, gaḍako aṛere ar disạm reakʼ sanam ṭhạ̃ikore onkoń gupikoa.

Jeheskel 17:22

Probhu Isore menetʼkana, “Ińge debdạru dare reakʼ coṭ agal khon bale ḍog hataokate buru muthnireń rohoea.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Numeri 24:7

Taren reakʼ kanḍa khon dakʼ do dul oḍokokʼa, ar uniren bõs do aema dakʼreko tahena. Onkoren raj do Ogag khon hõe usulokʼa, onkoakʼ rajosṭi do ṭhonokte arhõ maraṅokʼa.