Jesaea 30:24 - সান্তালী বাইবেল

²⁴ Aperen cacas ḍaṅgrako ar gadhako do buluṅ akawatʼ danako joma one oka do haṭakʼ supticʼteko tear akatʼ.

Jesaea 30:24 Referans Kwoze

Genesis 45:6

Akal calakʼ kana bar bochor khon. Noa do arhõ mõṛẽ bochor hạbicʼ tahena. Unre phosol hõ baṅ erokʼa ar irhõ baṅ irokʼa.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

Dosar Biboron 25:4

“Ekʼen kan ḍaṅgra do moca alom toltaea.

Dosar Biboron 21:4

Ar okare tishõ bako casakatʼ se itạ hõ bako erakatʼ ar onḍe mitʼṭecʼ ạtukʼ soḍokʼ menakʼ, nonkan mitʼṭecʼ sokṛa soḍokʼte uniko idiyea. Ar ona soḍokʼre uni phẽṭaṛakʼ hoṭokʼko rạpudtaea.

Exodus 34:21

“Ape do hapta reakʼ turui dinpe khaṭaokʼa menkhan eae mãhã hilokʼ do jirạukʼpe. Casokʼ jokhecʼ ar phosol samṭao oktere hõ onkaepe.

Genesis 24:25

Uni do arhõe menkeda, “Aleakʼ oṛakʼre aema busupʼ ar jomakʼko menakʼa ar tahen lạgitʼ jaega hõ menakʼgea.”

Jesaea 32:20

Bhạgangeape ape do, one okoe dakʼ aṛe aṛere itạpe eretʼkan ar aperen ḍaṅgra ar gadhako nirdạndi ạtiń lạgitʼpe aṛakʼkako kan.