Jesaea 30:13 - সান্তালী বাইবেল

¹³ Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jesaea 30:13 Referans Kwoze

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 62:3

Mitʼṭen manwa cetanre ar tinạkʼ din noako santao dope calaoa; jemon laḍe akan bhit ar liḍạlaḍeakʼ eṭetʼakʼ leka jotokote unipe khũn daṛeae?

1 Rapajko 20:30

Ar sarecʼ lạṛhại phạdko do Aphekteko dạṛkeda ar onḍe onkoren bargel eae hajar lạṛhại phạdko cetanre bhit dasao ńurena. Ar Benhadad do onḍeye dạṛketʼte oṛakʼ bhitri reakʼ mitʼṭecʼ kandhareye okoyena.

Luk 6:49

Okoe ińakʼ katha ańjomkate ona leka bae kạmi, uni do nonkan hoṛ lekanae, okoe do begor rehetʼ bạisạute hasa cetanre oṛakʼe benaoketʼ. Ado ạtukʼ dakʼ hecʼkate tinre ona oṛakʼre bajaoena unre ona oṛakʼ do lạnduṛ ńurena.”

Mathae 7:27

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; ar ona do lạnduṛena, ar botorge oborena!”

Jobakʼ 36:18

Men sontorokʼme amakʼ raṅgao iạte amakʼ dhon-durib bhul horte aloe bulạu idime; ar okaṭakʼem bhul akatʼ ona do bạṛicʼ horte aloe ḍheka idimema.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Kạhtukko 6:15

Ona iạte ackage uni cetanre muhin do hijukʼa; ar ṭuṅ ghuṛirege uni doe marao utạrokʼa, ar bae beretʼ daṛeakʼa.

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jesaea 48:3

Probhu Isore meneda, “Oka hoyakan ona do sedaeregeń menleda; ariń baḍae ocoleda ar ińakʼ moca do onae lại jạhirleda. Ona tayom ackageń onkakeda ar ona do hoyena.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.