Jesaea 3:9 - সান্তালী বাইবেল

⁹ Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jesaea 3:9 Referans Kwoze

Genesis 13:13

Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Jeheskel 23:16

Onko ńelko sãote uni do onko cetanre laloc hecʼadea ar Bablete hoṛe kulketʼkoa.

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Kạhtukko 8:36

Menkhan okoe iń bae ńameńkan uni do acʼgeye bạṛijokʼ kana; ar okoe ińko kurudạńkan onko sanamko do gujukʼko dulạṛa.”

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

2 Rapajko 9:30

Inạ tayom Jihu do Jisriyelteye senena. Ona kathae ańjomketʼ khan Isebel doe aenom kajarena ar rokʼ nạkicʼkate jalna khone uyuṅ akatʼ tahẽkana.

1 Samuel 15:32

Tayomte Sạmuele menkeda, “Amalekikoren Og raj do iń ṭhen ạguiyepe. Niạ katha ańjomkate Og do ladacʼ luducʼ Samuel ṭhene hecʼena. Uni doe hudiskeda gujukʼ reakʼ haso ńitokʼ do ar bạnukʼa.

Hosea 13:9

“E Israel, am do iń secʼren dom baṅkana, metakʼme amren gokʼṛoyicʼ secʼrenem baṅkante iń do amiń marao giḍikama.

Daniel 7:20

Uniyakʼ bohokʼ reakʼ gel goṭecʼ dereń ar eṭakʼ oka dereńko janam rakapʼlen, ar okoe samaṅre pea dereń ńurlen, ar okoeyakʼ mẽtʼko ar gorbokʼ reakʼ mitʼṭecʼ moca tahẽkantae ar okaṭakʼ dereń do eṭakʼakʼko khon lạṭu idikʼkan tahẽkan, ona dereń babotre baḍae joṅ lạgitʼ iń khojkeda.

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.

Genesis 4:5

menkhan Kainakʼ dãṛẽ do bae ataṅleda. Onate Kain do raṅgaote mẽtʼãhãe dhundketʼtaea.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

Jesaea 57:20

Menkhan bedhoromko do kuṭlạ kuṭlikʼkan jalapuri lekanako; ente ona do thol baṅ tahẽdaṛeakʼa. Ar ona reakʼ dakʼko do losotʼ ar mạilạkoe heola rakaba.

Jesaea 59:12

E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jeheskel 16:30

“ ‘Iń Probhu Isorgeń meneda, am dom nicạṛ monan kana, ente mitʼṭen besorom kusumbi ạimại lekage noakom kạmikana.

Jeheskel 16:49

“Amren boeha kuṛi Sodomakʼ do noa kại tahẽkana, uni ar hoponerako do bạḍại tahẽkantakoa, ente onko do ḍher jomakʼ tahẽkantakoa ar khạtirjomako girobasokʼkan tahẽkana, menkhan onko do reṅgecʼ ar laṅgaṭ hoṛ bako goṛoako kan tahẽkana.

Genesis 19:34

Dosar hilokʼ maraṅicʼ do huḍińicʼ kuṛiye metadea, “Ńelme, hola ńindạ do baba tulucʼ iń giticʼmitʼena. Dela, teheń ńindạ hõ onka gelaṅ bul ocoyea, ar ona tayom do uni tulucʼ am giticʼmidokʼme. Enḍekhan baba hotete alaṅ do alaṅakʼ bõs laṅ rukhiyạ daṛeakʼa.”

Hosea 5:5

Israelakʼ bạḍạige onko upạrte gohae emetʼkana; Ephrayim, se goṭa Israel do akoakʼ kại iạteko tohodokʼkana ar Jihudạ hõ onko sãoteye tohodotʼ bhindạṛokʼ kana.