Jesaea 29:8 - সান্তালী বাইবেল

⁸ Reṅgecʼ akade hoṛ kukmũte jom mae jojomkan, menkhan ebhenlenre ńelme, reṅgecʼma tahenkange. Ar tetaṅakade hoṛ kukmũte ńũ mae ńũńũkan, menkhan ebhenlenre ńelme, uni do nijor ar tetaṅedekangea. Onkage onkoakʼ hõ hoyokʼtakoa sanam gad gad boṅgan hoṛ jạtrenkoakʼ do, one okoe Sion buru upạrteko lạṛhạikan.

Jesaea 29:8 Referans Kwoze

Jesaea 44:12

Kamar do mitʼṭecʼ ṭeṅgocʼe benaoeda ar koela seṅgelreye dhipạueda. Uni do hạtuṛte muṭhạne emakʼkana, ar ti reakʼ daṛete onae benaoeda. Onate uni do reṅgejea ar daṛe komaokʼtaea; ar dakʼ begor ńũteye jhin jhinạukʼa.

Sereńko 73:20

Jạpitʼ khon ebhenlenre manwa ṭhen cetʼleka kukmũ do ạuṛiyagokʼ, onkage E Probhu Isor, amem ebhenlenre am ṭhen onko do ạuṛiyakʼko hoyokʼa.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Sereńko 129:5

Okoe Sionko kurudakʼ kan onko doko lajao ocokʼma arko pạc ruạṛokʼma.

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Jesaea 41:12

Ar amren bạirikom sendra baṛalekore hõ onko do bam ńamkoa. Okoe am upạrteko lạṛhại onko do cetʼ cinhạge ar baṅ tahentakoa,

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.