Jesaea 29:5 - সান্তালী বাইবেল

^5-6 Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 29:5 Referans Kwoze

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 31:3

Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.

Sereńko 35:5

Onko do hoete peṭecʼ lekako oṭaṅokʼma; Hẽ, Probhu Isorren goḍet do onkoe lagako ma.

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 25:3

Ona iạte daṛean jạtrenko do amko sarhaomea ar kurmutạha jạtrenkoakʼ nagraha do amko botorama.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 29:20

Kurmutạhako do ar bako tahena; ṭiṭkạri hoṛko hõko caba utạrokʼa, ar okoe bạṛicʼakʼ kạmiko menjoṅkan onko doko marao ocokʼa.

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Jesaea 41:15

Ńelme, nãwã enokʼ paṭageń hoyocomea. Am do burukom en gunḍạea, ar ḍuṅgriko do bhusạ lekam hoeocoya.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jesaea 48:3

Probhu Isore meneda, “Oka hoyakan ona do sedaeregeń menleda; ariń baḍae ocoleda ar ińakʼ moca do onae lại jạhirleda. Ona tayom ackageń onkakeda ar ona do hoyena.

Amos 5:9

Uni do daṛeanko cetanre ar onkoakʼ gaṛko cetanre ackage ceṭer leka jarkhare ạguiya ar onakoe marao utạra.