Jesaea 29:18 - সান্তালী বাইবেল

¹⁸ Enhilokʼ kalako do ona bedhao akatʼ puthi reakʼ kathako ańjoma, ar kaṛaṅ ńutre tahenkan kãṛãko doko ńeńela.

Jesaea 29:18 Referans Kwoze

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Jesaea 35:5

Unre kãṛãkoakʼ mẽtʼ do saṛokʼtakoa, ar kala hoṛkoakʼ lutur do jhijokʼtakoa.

Mark 7:37

Onate hoṛko do hahaṛayenteko menkeda, “Jotowakʼ tinạkʼ bhageye kạmiyeda. Uni do kalakoe ańjom ocoyetʼkoa ar guṅgạko hõ katha roṛ reakʼ daṛeye emako kana.”

Jesaea 32:3

Unre okoeko ńeńel onkoakʼ mẽtʼ do baṅ jạpidokʼtakoa, ar okoeko ańjom onko do ańjomtegeko tahena.

Kạhtukko 20:12

Ańjom lạgitʼ lutur ar ńeńel lạgitʼ mẽtʼ Probhu Isor do noa banargeye sirjạu akada.

Sereńko 119:18

Ińakʼ mẽtʼ baṛe jhicʼkạtińme jemon amakʼ cecetʼakʼ talare hahaṛawakʼko reaṅ jemoniń ńel daṛeakʼ.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

Jesaea 29:24

Ar okoe ṭhik leka bako bujhạu daṛeakʼkan tahẽkan onko do mońjteko bujhạua, ar okoeko karacʼ kurujokʼkan tahẽkan onko do ạkilko cetʼjoṅa.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Dosar Biboron 29:4

Menkhan Probhu Isor ṭhen khon teheń hạbicʼ hõ onako bujhạu reakʼ mon, ńeńel reakʼ mẽtʼ ar ańjom lạgitʼ lutur hõ bape ńamana.

Johan 9:7

“Do Siloam pukhrire senkate abokʼme.” Siloam reakʼ mane do kol ocoakan. Uni hoṛ do senkateye apʼena ar ńeńele ehopʼen khane ruạṛ hecʼena. Noa ńelte aḍepaserenko ar okoe do kokoe hoṛ menteko ńellede onko sanamkogeko menkeda,

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Jesaea 42:19

Ińren golam chaḍa ar okoeye kãṛãwa? Ińiń kol akade goḍet leka kala do okoe menaea? Ar iń cetanre bhorsakʼkạnicʼ kãṛã doe okoekana? Probhu Isorren golam leka kãṛã do okoe menaea?

Jesaea 43:8

Okoe do mẽtʼ menakʼ tulucʼ hõko kãṛãge ar lutur menakʼ tulucʼ hõ bako ańjom onko doko oḍokʼ hijukʼma.

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.