Jesaea 29:17 - সান্তালী বাইবেল

¹⁷ Ar thoṛa din khange cetʼ Lebanon do jo bahakʼkan bagwan leka baṅ hoyokʼa? Ar jo bahakʼkan bagwan do bir gajaṛ tulni baṅ lekhakʼa?

Jesaea 29:17 Referans Kwoze

Mathae 19:30

Menkhan lahatenko aema doko tayomokʼa, ar tayomtenko doko lahakʼa.”

Ibriko 10:37

ente Isorakʼ katha leka, “Okoeyakʼ hijukʼ reakʼ katha menakʼtae uni do ar thoṛa din khangeye hijukʼa, ar bae biloma.

Hagae 2:6

“‘Phạdkoren Probhu Isorgeń meneda, ar thoṛa ghạṛicʼ khange iń do ar mitʼ dhao serma, ot, jalapuri ar khaṅgoṭ ot iń dalmalao ocoya.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Jesaea 63:18

Amakʼ sonot ṭhạ̃i do thoṛa din lạgitʼ amren begar akan hoṛkoakʼ tire tahẽkana, menkhan ńitokʼ aleren bạiri do ona sonot ṭhạ̃iko lebetʼ gasmanḍaoetʼ kana.

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jesaea 41:19

Hahaṅkarre, debdạru, babla, mehndi ar jạitun darekoń rohoea ar khaṅkarre do saro, tạsur ar jhão darekoge,

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Sereńko 107:35

Hahaṅkar do jolae hoyocoyeda ar khaṅgoṭ jaegako do jharnae hoyocoyeda.

Sereńko 107:33

Uni do gaḍakoe hahaṅkar ocoyeda, ar jharnako doe rohoṛ jaega ocoyeda,

Sereńko 84:6

Onko do rakʼjoṅ lodam talate calakʼ jokhecʼ ona jaega do dakʼ jharnako hoyocoyeda; ar laha dakʼ do borkot iạte onae perecʼeda.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.