Biblia Todo Logo
Bib sou entènèt

- Piblisite -




Jesaea 29:15 - সান্তালী বাইবেল

15 Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

Gade chapit la Kopi




Jesaea 29:15
30 Referans Kwoze  

Uni do ińe metadińạ, “E manwa hopon, Israelkoren murubbiko ńutre apan ạpin oṛakʼren boṅgako ṭhen cetʼko cekayetʼkan dom bujhạu daṛeakʼ kangea? Onkoko meneda, ‘Probhu Isor do ale secʼ bae beṅgetʼeda, ente uni do disạm bạgikateye calao akana.’ ”


Am do amakʼ ona dusṭami cetanrem bhorsakʼkana arem meneda, ‘celehõ bako ńeńel kana.’ Amakʼ ạkil ar bidiạge am dokin bhaṅgṭao akatʼmea; ente mone monetem meneda, ‘eken iń eskarge minạńa, iń chaḍa ar okoehõ bạnukʼkoa.’


Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.


Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”


Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.


Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’


Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”


Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”


Ńelme, onko do moca khon cokakʼ baklakʼko oḍokeda, onkoakʼ luṭi khon do tarwaṛe oḍokokʼ kana onko doko meneda, “Aboakʼ katha do okoe hõ bako ańjom ńama.”


Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.


Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.


Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.


Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.


Onkoko mena, “Isor do cekateye baḍaea? Maraṅ Isor ṭhen akel mente cetʼ jãhãnakʼ menakʼa.”


Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.


Uni do dusi menteye lekha ocoakana ente dhạrtire marsal hecʼakana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.


Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.


Amren hoṛko upạrte onko doko solhayeda, ar amem rukhiyạyetʼko upạrteko soṛojontro kana.


Uni doe metadińạ, “E manwa hopon, bhit reakʼ ona bhugạkʼ do lạṭuime.” Ona iạte iń do ona bhugạkʼ iń lạṭukeda ar onḍe do mitʼṭecʼ duạriń ńel ńamkeda.


Huhulko do heṛan botorko santao kana, menkhan onko sanamkogeń sạjạikoa.


Ado homor halaṅ reakʼ okte sạten khan Dạud do acʼakʼ oṛakʼte uniye ạgukedea. Ar acʼren bạhui hoyena ar mitʼṭen gidrại janamkedea. Menkhan Dạud okae cekaketʼ onate Probhu Isor do bae kusilena.


Israelko do hape hapete Probhu Isor upạrte ạḍi bạṛicʼko kạmiyetʼ tahẽkana. Ar okako jaegakoreko girobasokʼ kan tahẽkan onako nagraha baṅ do huḍińakʼ kan baṅ do maraṅakʼkan ona jaegakore ako lạgitʼ than boṭkocʼko benaojoṅ kan tahẽkana.


Swiv nou:

Piblisite


Piblisite