Jesaea 29:14 - সান্তালী বাইবেল

¹⁴ Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 29:14 Referans Kwoze

Habakkuk 1:5

Probhu Isore menkeda, “Jạt jạtrenko secʼ beṅgedpe, enḍekhanpe ṭhak utạrokʼa, ente ape bidạlrege nonkanakʼ iń kạmiya one ona reakʼ kathań lại apere hõ ohogepe pạtiạulena.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Luk 10:24

Ińiń metapekana, okakope ńeletʼkan, ona do ạḍi utạr nạbi ar rapajko ńeńelko menletʼre hõ bako ńelletʼa; ar okakope ańjometʼkan, ona ańjom sanaletʼkore hõ bako ańjomlakʼa.”

Obodiạ 1:8

Probhu Isore menetʼkana, “Enhilokʼ iń do Edomren ạkilan hoṛko ar Esao buru khon bujan hoṛko cetʼ bạń maraokoa?

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Jobakʼ 12:17

Uni do sosolhakoakʼ kicricʼ totʼkate onkoe bondikoa ar bikʼcạrko do lelhae hoyocokoa.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.