Jesaea 28:3 - সান্তালী বাইবেল

³ Ephrayimren bubulkoakʼ ona bạḍạiteakʼ mukuṭ do otre lebetʼ gasmanḍaokʼa.

Jesaea 28:3 Referans Kwoze

Jesaea 26:6

Santaokʼko ar reṅgecʼko do jaṅgate onako lebetʼ gańjaoa.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Daniel 8:13

Ona tayom mitʼṭen serma goḍet do katha roroṛkaniń ańjomkedea ar armitʼṭen sonot serma goḍet do uniye kulikedea, “Niạ dorsonre oka udukʼen ona do ar tinạkʼ din hạbicʼ calakʼa? Ar tin hạbicʼ din hilokʼ reakʼ samaṅokʼakʼ porob bodolte ujạṛakʼ kại reakʼ jinis do tahena? Ar tinạkʼ din koejoṅ oṛakʼ ar ipilko do jaṅgateko lebetʼ gańjao ocokʼa?”

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

2 Rapajko 9:33

Jihui metatʼkoa, “Uni do latarte giḍigotʼkaepe.” Unre onko do latarte Isebelko ḍhaka ńurkedea ar Jihuwakʼ rãt gạḍiren sadomko do uniko lebetʼ gańjaokedea. Onate uniyakʼ mãyãm do ṭunṭiyentaete pạcrire ar sadomkoakʼ hoṛmore paṛaoena.

Rak̕joṅ 1:15

Probhu Isorge ińren sanam birbão hoṛkoe nihạ̃t giḍi akatʼkoa; uni do ińren juạnko chaka chunko lạgitʼ iń upạrte mitʼṭecʼ okteye ṭhik dohoakada. Darkha lelen kunḍre kuạ̃ri kuṛi Jihudạ do jaṅgateye lebetʼ gasmanḍao akadea.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 5:11

Hae, onko hoṛ do, okoe do bubulakʼ ńũi lạgitʼ setakʼreko beredokʼkan ar ḍher ńindạ hạbicʼ duṛupʼkate darkha rasako hoṅgorkan, one ạuriko ńũ bhuteṛokʼ hạbicʼ.

Jesaea 9:9

Ephrayim ar Samariạren sanam hoṛ do onako baḍae daṛeakʼa. Onko do bạḍại ar gorbo iạteko mena,

Jesaea 28:18

Moron tulucʼ okaṭakʼpe bondobos akatʼ ona do bạtilokʼa; ar Sheol sãote oka bondobospe bandhao akatʼ ona hõ baṅ ṭikạukʼtapea. Maraokʼ reakʼ cạbuk pheḍ hijukʼre, ape do onatepe dal ocokʼa.

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.