Jesaea 28:27 - সান্তালী বাইবেল

²⁷ Kạliạ jirạ do paṭate bako ena, se sagaṛ reakʼ pạ̃ihạ̃ hõ bako guṛgạu baṛaea, bickom ṭheṅgatege kạliạ jirạ ar jirạ doko ena.

Jesaea 28:27 Referans Kwoze

Jesaea 41:15

Ńelme, nãwã enokʼ paṭageń hoyocomea. Am do burukom en gunḍạea, ar ḍuṅgriko do bhusạ lekam hoeocoya.

Amos 1:3

Probhu Isore meneda, “Damesek reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente mẽṛhẽtʼ reakʼ jạnumanakʼ enokʼ paṭate onko do Gileadko en akadea.

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Jirimiạ 10:24

E Probhu Isor, eken dhorom bicạrte baṛe sudhrạuiń me, menkhan amakʼ edrete ona do alom onkaea, arem onkae khan iń doń caba utạrokʼa.

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Kạhtukko 20:26

Tente cetʼleka phosol enokʼ, onkage ạkilan raj do acʼakʼ daṛete bạṛicʼkoe chirchạturkoa.

Jesaea 28:26

Uniren Isorge uni doe hukumaea ar ṭhik hor reakʼe cetʼaea.

Jesaea 28:28

Okoehõ ḍher din hạbicʼ guhum do bako manḍaea, onate ona do bạṛijokʼa; manḍae jokhecʼ ona cetante pạ̃ihạ̃ se sadom nonkako calao koa jemon ona alo nosṭokʼ.