Jesaea 28:19 - সান্তালী বাইবেল

¹⁹ Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”

Jesaea 28:19 Referans Kwoze

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Jesaea 37:3

Onko do Jesaeako metadea, “Hiskiạ do nonkae meneda, teheńakʼ din do gạr, ar nisṛạu ar opoman reakʼ din kana. Ale do gidrạkole janamko leka dosa hoyakantalea menkhan onko janamko reakʼ daṛege bạnukʼtalea.

Jesaea 36:22

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa do akoakʼ kicricʼko oṛecʼketʼte Hiskiạ raj ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

Jesaea 33:7

Ńelpe, onkoren birbão hoṛko do hor horteko rakʼ baṛaeyeda; sulukokʼ lạgitʼ kol ocoakan paṭhaonako hõ hũk hũkko rakʼeda.

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

2 Rapajko 21:12

Onate iń Israelren Probhu Isoriń meneda, iń do usạrage Jerusalem ar Jihudạ cetanre nonkan muhiniń ạguiya, ar ona reakʼ katha okoeko ańjoma onko sanamgeko thar tharaokʼa.

2 Rapajko 18:13

Hiskiạ raje rajokʼ gelponakʼ bochorre Asurren raj Senakerib do Jihudạ reakʼ pạcrite esetʼ sanam nagrahakoe akromonketʼte onakoe hatkeda.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

1 Samuel 3:11

Probhu Isor do Samuele metadea, “Ńelme, Israelko talare nonkanakʼ iń cekae lạgidokʼ kana one uniyakʼ katha ańjomte sanamkoko comkao rakabokʼ.

Jobakʼ 6:4

Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.

Jobakʼ 24:17

Onko lạgitʼ setakʼ do kaṛaṅ kucạṅ ńut kana; ar kaṛaṅ ńut do onkoren gatege.

Sereńko 55:4

Noate ińakʼ ontor do dhak dhakaokʼ kantińạ; gujukʼ botorgeye sapʼ akadińạ.

Sereńko 88:15

Gidrạ khonge iń do dukreń tahenkana ar gujukʼ dạkhilreń paṛao akana. Amakʼ botoranakʼ sạjại do iń cetanre pheḍ hecʼakana; iń do ạḍitetʼgeń aschuṭạukʼ kana.

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Rak̕joṅ 2:22

Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

Jobakʼ 41:9

Uni domone reakʼ joto asge ạuṛiyakʼgea; uni ńel torage hoṛ do dilko adtakoa.

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Jirimiạ 4:9

Probhu Isore meneda, “Enhilokʼ raj ar cetan hudạren kạmiyạko do dilko adtakoa, ar naekeko ar nạbiko doko ṭhak utạrokʼa.”