Jesaea 28:17 - সান্তালী বাইবেল

¹⁷ Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 28:17 Referans Kwoze

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Romiko lạgitʼ Pạul Apostolakʼ ciṭhi 2:2

Baḍaegea bon okoe nonkanakʼko kạmikan Isor do onko hok reakʼgeye bicạrkoa.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 8:7

Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Romiko lạgitʼ Pạul Apostolakʼ ciṭhi 9:28

Probhu Isor do ạḍi usạrage dhạrti reakʼ kuṛại do purạteye emkataea.”

Mathae 7:27

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; ar ona do lạnduṛena, ar botorge oborena!”

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Jeheskel 38:22

Iń do mahamạri ar mãyãmte Gogiń sạjạiyea; botoranakʼ dakʼ, arel ar jolokʼkan gondhok do uni cetanre, ar uniren lạṛhại phạdko cetanre ar uni soṅgeten sanam jạtrenko cetanreń upʼ gotʼkakʼa.

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Jesaea 5:16

Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Sereńko 94:15

Bicạr do dhorom ruạṛokʼa; ar sanam sojhe monan hoṛ do onako pańjaya.

Jobakʼ 22:16

Onko do okte ạuriregeko idi ocoakana; onkoakʼ rehetʼ do gaḍa dakʼ leka ạtu calakʼkana.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.