Biblia Todo Logo
Bib sou entènèt

- Piblisite -




Jesaea 27:5 - সান্তালী বাইবেল

5 Bickom onako do asray ńam lạgitʼ iń ṭhenko hijukʼma; ar iń sãoteko sulukokʼ ma. Hẽ, iń sãotegeko sulukokʼ ma.

Gade chapit la Kopi




Jesaea 27:5
22 Referans Kwoze  

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.


Am do Isorakʼ kathare rạjikʼme, uni upạrte bạiri mon do alom dohoytama; enḍekhan amakʼ bhạlại hoyokʼtama.


Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.


Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”


Bhạgangeae uni hoṛ, okoe do onae kạmikan; bhạgangeae uni manwa do, okoe do onakoe moneyakʼkan. Jirạukʼ mãhã okoeye manaoetʼkan, ar bae besonotetʼ ar bạṛicʼ kạmi khon acʼakʼ tiye sontoretʼtae, uni doe bhạgangea.”


Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.


Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”


Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.


Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.


Ar bae daṛeakʼ khan eṭagicʼ raj sạṅgińreye tahenrege uni do mukhiyạ hoṛko kolkate sulukokʼ lạgitʼe kulijoṅa.”


“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.


Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”


E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.


Ińren golam chaḍa ar okoeye kãṛãwa? Ińiń kol akade goḍet leka kala do okoe menaea? Ar iń cetanre bhorsakʼkạnicʼ kãṛã doe okoekana? Probhu Isorren golam leka kãṛã do okoe menaea?


Swiv nou:

Piblisite


Piblisite