Jesaea 27:1 - সান্তালী বাইবেল

¹ Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 27:1 Referans Kwoze

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Sereńko 104:26

Onare do jahajko calakʼ kana, ar onḍe do Libiạthon hõ menaea; uni do onare kheloḍ lạgitʼem benao akadea.

Jobakʼ 26:13

Uniyakʼ sahẽtʼte sermako do nirola saphakʼ kana; uniyakʼ tikin do ńir paskaokʼkan bińe sobokʼ tabekana.

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.

Johan sodor 19:21

Ar okoe uni ponḍ sadomreye decʼakan tahẽkan, ar uniyakʼ moca khon okaṭakʼ tarwaṛe oḍokokʼkan tahẽkan onate unkinren eṭakʼ sanam soṅgetenkoko gocʼ ocoyena. Onate cẽṛẽko do onkoakʼ jel jomteko biyena.

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Jobakʼ 40:19

Isorakʼ sirjạuakʼko modre uni doe sorosicʼ kana; uniren sisirjạuicʼge eken uniye gocʼ daṛeaea.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.

Johan sodor 16:13

Unre iń do roṭe lekan pea bạṛicʼ jiu iń ńelketʼkoa. Onko do uni biń, uni janwar ar uni eṛe nạbiyakʼ moca khonko oḍok hijukʼkan tahẽkana.

Johan sodor 13:11

Noa tayom iń do ot khon ar mitʼṭen janwar rakapʼ hijukʼkaniń ńelkedea. Uniyakʼ do bheḍa leka barea dereń tahẽkantaea, menkhan uni do biń leka kathae roṛetʼkan tahẽkana.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Jirimiạ 51:13

E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.

Jirimiạ 47:6

Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Jobakʼ 3:8

Din sakʼrapko do onako sarapakʼma ar Libiathonko buskurema onko do ona dinko sarapakʼma.

Jobakʼ 41:1

“Am do cetʼ bạ̃ṛsite Libiathonem rakapʼ daṛeaea, se baberte uniyakʼ alaṅem tol daṛeketaea?

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Amos 9:3

Karmel buru muthnire apnartetʼko okolenre hõ iń do onḍe khoniń sendra oḍokkoa ariń sapʼạgukoa. Onko do jalapuri latarreko okolenre hõ onko gerko lạgitʼ bińiń hukumakoa.